Sunday , October 22 2017
Home / ہندوستان / اترپردیش کے ایک ٹاون میں کشیدگی نوجوان کے قتل پر دوسرے فرقہ کے مکانات اور دکانات پر حملہ

اترپردیش کے ایک ٹاون میں کشیدگی نوجوان کے قتل پر دوسرے فرقہ کے مکانات اور دکانات پر حملہ

بلیا (اترپردیش ) ۔ 5 ۔ اگست : (سیاست ڈاٹ کام ) : بیلتھرا روڈ ٹاون میں ایک دلت نوجوانوں کو دوسرے فرقہ کے افراد نے چاقو گھونپ کر مار دیا جس پر مقامی لوگوں نے پرتشدد احتجاج کیا ۔ اور سنگباری میں 2 پولیس ملازمین زخمی ہوگئے ۔ ڈپٹی سپرنٹنڈنٹ پولیس کے سی سنگھ نے بتایا کہ 20 سالہ نوجوان نیراج کا کل شب 3 موٹر سیکل سوار افراد نے اغواء کرلیا اور چاقو سے ضربات پہنچا کر جھاڑیوں میں پھینک دیا ۔ مہلوک کے والد کی شکایت پر پولیس نے 8 افراد کے خلاف کیس درج کرلیا گیا ۔ جس میں مقامی سماج وادی پارٹی لیڈر صدام ، شیخ اعجاز الدین اور کامران کو گرفتار کرلیا گیا ۔ انہوں نے بتایا کہ اس واقعہ کے بعد مقامی لوگوں نے کل شب احتجاج کرتے ہوئے بیلتھرا روڈ آوٹ پوسٹ پر سنگباری کردی ۔ جہاں پر پولیس کے ساتھ ہلکا سا تصادم بھی ہوگیا ۔ پولیس نے بتایا کہ صورتحال آج اس وقت کشیدہ ہوگئی جب مقامی لوگوں نے ایک مذہبی مقام پر سنگباری کردی اور دوسرے فرقہ کے مکانات ، دکانات پر حملہ کردیا ۔ پرتشدد جھڑپوں میں ڈپٹی ایس پی رام یادو اور ایک پولیس ملازم زخمی ہوگئے ۔ جب کہ پولیس لاٹھی چارج میں 4 احتجاجی بھی زخمی ہوگئے ہیں ۔

TOPPOPULARRECENT