Wednesday , August 23 2017
Home / شہر کی خبریں / اختراع پر توجہ دینے اسٹرکچرل انجینئرس پر زور

اختراع پر توجہ دینے اسٹرکچرل انجینئرس پر زور

اسٹرکچرل انجینئرنگ میں اختراعات پر انٹرنیشنل کانفرنس سے این وی ایس ریڈی کا خطاب
حیدرآباد ۔ 14 ۔ دسمبر : ( سیاست نیوز ) : مسٹر این وی ایس ریڈی ، ایم ڈی ، حیدرآباد میٹرو ریل نے اسٹرکچرل انجینئرس ، انجینئرنگ پروفیسرس اور طلبہ کے ایک بڑے اجتماع سے اپیل کی کہ عوام کو درپیش مختلف مسائل کے لیے کم خرچ ، محفوظ اور پائیدار ٹکنالوجیکل حل تلاش کریں ۔ عثمانیہ یونیورسٹی کے زیر اہتمام اسٹرکچرل انجینئرنگ میں اختراعات کے موضوع پر ایک سہ روزہ انٹرنیشنل کانفرنس میں بحیثیت مہمان خصوصی مخاطب کرتے ہوئے مسٹر ریڈی نے انسانی ترقی اور آرام کے لیے اسٹرکچرل انجینئرنگ ڈسپلن کی جانب سے انجام دی گئی خدمات کا تذکرہ کیا اور اسٹرکچرل انجینئرس پر زور دیا کہ وہ مزید اختراعی انداز کو اپنانے پر توجہ دیں اور نئے چیالنجس کا سامنا کرنے کے لیے تیار رہیں ۔ دنیا کی آبادی ، ماڈرن طرز زندگی ، قدرتی وسائل کا حد سے زیادہ استعمال ، گلوبل وارمنگ وغیرہ کے باعث پیدا ہونے والے مسائل پر روشنی ڈالتے ہوئے مسٹر ریڈی نے کہا کہ اسٹرکچرل انجینئرس کو مزید اختراعی اور کم خرچ انجینئرنگ ڈیزائنس کو اختیار کرنا ہوگا لیکن مضبوط میٹرئیلس کے ساتھ تاکہ عام اور غریب عوام کی ضرورت کو پورا کیا جاسکے جو بہتر سہولتوں کے خواہاں ہوتے ہیں ۔ حیدرآباد میٹرو ریل پراجکٹ کے چیالنجس کے بارے میں بتاتے ہوئے مسٹر ریڈی نے کہا کہ صرف 35 فیصد چیالنجس انجینئرنگ سے متعلق ہیں اور 65 فیصد نان انجینئرنگ چیالنجس ہیں ۔ انہوں نے کہا کہ میٹرو ریل پراجکٹ کو حیدرآباد کو ایک موافق ماحولیات اور عوام دوست گرین سٹی بنانے کے لیے ایک موقع کے طور پر استعمال کیا جارہا ہے جس میں خواتین ، بچوں ، عمر رسیدہ لوگوں اور معذور اشخاص کو بہتر سہولت فراہم کرنے پر توجہ دی جارہی ہے ۔ انہوں نے کہا کہ میٹرو ریل پراجکٹ کا حیدرآباد کو ایک گلوبل سٹی بنانے کے چیف منسٹر کے چندر شیکھرراؤ کے ویژن کو پورا کرنے میں اہم حصہ ہوگا ۔ پروفیسر کے وی ایل سبرامنیم ، ہیڈ ، ڈپارٹمنٹ آف سیول انجینئرنگ ، آئی آئی ٹی حیدرآباد ، پروفیسر ایس رامچندرم ، پرنسپل یونیورسٹی کالج آف انجینئرنگ ، عثمانیہ یونیورسٹی کئی انجینئرنگ پروفیسرس ، ماہرین اور طلبہ نے اس کانفرنس میں شرکت کی ۔۔

TOPPOPULARRECENT