Wednesday , August 23 2017
Home / دنیا / اسرائیل یہودی بستیوں کی تعمیر روک دے: یورپی یونین

اسرائیل یہودی بستیوں کی تعمیر روک دے: یورپی یونین

یروشلم۔ 27 جولائی (سیاست ڈاٹ کام) یورپی یونین نے منگل کے روز اسرائیل پر زور دیا ہے کہ وہ مشرقی بیت المقدس میں یہودی بستیوں کی تعمیر سے متعلق اپنی تمام تر سرگرمیوں کو روک دے اور مشرق وسطی کے لیے چار فریقی کمیٹی کی اپیل کا جواب دے جس میں تل ابیب حکومت کو آبادکاری کی پالیسی ترک کرنے کے لیے کہا گیا ہے۔یہ بات یورپی یونین میں سکیورٹی اور خارجہ پالیسی کی اعلی نمائندہ فیڈریکا موگرینی کی جانب سے جاری ایک اخباری بیان میں کہی گئی ہے۔ یہ بیان اسرائیلی کے حالیہ فیصلے کے بعد سامنے آیا ہے جس میں مقبوضہ فلسطینی اراضی پر مشرقی بیت المقدس میں قائم یہودی بستی گیلو کے اندر 770 رہائشی یونٹوں کی تعمیر کا منصوبہ وضع کیا گیا تھا۔

 

TOPPOPULARRECENT