Sunday , April 30 2017
Home / دنیا / اقوام متحدہ کی امن مہم کیلئے نئے سربراہ کا تقرر

اقوام متحدہ کی امن مہم کیلئے نئے سربراہ کا تقرر

اقوام متحدہ، 15 فروری (سیاست ڈاٹ کام) اقوام متحدہ کے سیکرٹری جنرل انتونیو گٹیرس نے امن اور سلامتی کے پروگرام کو بہتر بنانے کی اپنی مہم کے تحت تنظیم کی امن مہم کا نیاسربراہ مقرر کیا ہے اور تین سینئر افسران کو بحال رکھا ہے ۔گزشتہ دسمبر میں عہدہ سنبھالنے والے مسٹر گٹیرس نے ایک بیان میں بتایا کہ فرانس کے سفارت کار جین پیئر لیکروکس ایک سال کی مدت کے لئے اقوام متحدہ کی امن مہم کے سربراہ ہوں گے ۔ ان کے پیشرو ھیروے لیڈسویوس نے میعاد بڑھانے کی تجویز کو مسترد کر دیا تھا۔ مسٹر لیکروکس یکم اپریل سے عہدہ سنبھالیں گے ۔مسٹر گٹیرس نے کہاکہ ‘میں نے سیکرٹریٹ میں امن اور سلامتی کی حکمت عملی میں بہتری کا اعلان کیا ہے ۔ کام کاج اور فن تعمیر اہم ترجیح ہوگی۔ اس اہم کام میں تمام عملے کے ارکان کی مہارت اور تجربے کی ضرورت ہو گی ۔اس کے علاوہ اقوام متحدہ کے قیام امن کی حمایت کے اسسٹنٹ سیکرٹری جنرل آسکر فرنانڈیز ٹرانکو، فیلڈ حمایت کے سربراہ اتل کھرے اور سیاسی امور کے سربراہ جیفری فیلٹمان نے بھی اپریل 2018 تک کی میعاد بڑھانے کے مسٹر گٹیرس کی درخواست کو قبول کر لیا ہے ۔

Leave a Reply

TOPPOPULARRECENT