Saturday , August 19 2017
Home / دنیا / الاسکا میں زلزلہ سے چار مکانات تباہ

الاسکا میں زلزلہ سے چار مکانات تباہ

اینکوریج (یوریس) 25؍ جنوری (سیاست ڈاٹ کام)الاسکا میں 7.1 شدت کے زلزلہ نے عوام کو خوفزدہ کر دیا جہاں عمارتیں لرزنے لگیں اور مکانات میں واقع ساز و سامان ادھر ادھر بکھر گئے ۔ حالانکہ اس علاقہ میں اکثرو بیشتر زلزلے رونما ہوتے رہتے ہیں لیکن اس کے باوجود بھی عوام کا خوفزدہ ہونا ایک فطری بات ہے ۔ تاہم کسی کے زخمی یا ہلاک ہونے کی اطلاع نہیں ہے ۔ الاسکا کے ماہر زلزلیات مائیکل ویسٹ نے بتایا کہ گذشتہ دو دہائی میں االاسکا میں آنے والا یہ انتہائی شدت کا زلزلہ تھا ۔ الاسکا میں جب بھی زلزلے رونما ہوتے ہیں ان کی شدت بہت زیادہ ہوتی ہے ۔ جیسے کہ گذشتہ سال جنریرہ ایلیویشن میں آئے زلزلہ کی شدت 7.9 تھی ۔ مسٹر مائیکل نے مزید بتایا کہ گذشتہ شب آئے زلزلہ نے اب کی بار آبادی والے علاقوں کو اپنا نشانہ بنایاتاہم انسانی جانوں کے اتلاف کی خبر نہیں ہے ۔ انہوں نے کہا کہ اتنی زیادہ شدت والے زلزلہ کے بعد اس کے چھوٹے چھوٹے جھٹکے مزید کئی ہفتوں تک جاری رہیں گے ۔ آخری اطلاعات ملنے تک چار مکانات کو جزوی نقصان پہنچا ہے ۔

TOPPOPULARRECENT