Sunday , September 24 2017
Home / Top Stories / امریکہ طوفانوں کی زد میں ،فلوریڈا میں تباہی

امریکہ طوفانوں کی زد میں ،فلوریڈا میں تباہی

طوفان ارما سے کئی اموات ،3.5 ملین عوام کا تخلیہ ، صدر ٹرمپ کی پریشانیوں میں اضافہ

میامی ۔ /10 ستمبر (سیاست ڈاٹ کام) امریکہ کو طوفان ہاروی کے بعد طوفان ارما سے شدید تباہی کا خطرہ ہے ۔ جنوبی فلوریڈا کوامریکی عوام اپنی جنت سمجھتے تھے ۔ لیکن یہاں آج کے طوفان ارما کی تباہی نے اس جنت کو تہس نہس کردیا ہے ۔ کئی اموات کی اطلاع ہے ۔ عوام کو محفوظ مقامات پر منتقل کیا جارہا ہے ۔ صدر ٹرمپ کے لئے یہ طوفان اور تباہ کن حالات پریشانیوں کا باعث بنتی جارہے ہیں ۔ ماحولیات پر اپنی ناقص پالیسیوں کو لاگو کرنے کا نتیجہ ہے کہ آج امریکہ شدید طوفانوں کی زد میں آچکا ہے ۔ گزشتہ ماہ ٹیکساس میں طوفان ہاروی نے تباہی مچادی تھی ۔ ٹیکساس کے کئی شہروں خاص کر ہوسٹن میں طوفان ہاروی کی تباہی کے بعد اب تک وہاں حالات بہتر نہیں ہوئے ۔ ہزاروں مکانات تباہ ہوچکے ہیں اس طرز کے طوفان ارما نے اب فلوریڈا کو اپنی لپیٹ میں لے لیا ہے ۔ امریکی محکمہ موسمیات کے حکام کے مطابق چوتھے درجے کا یہ سمندری طوفان ارما امریکی ریاست فلوریڈا کے جنوبی جزائر سے ٹکرایا ہے ۔ گزشتہ چند گھنٹوں سے ارما کے جھونکے فلوریڈا کے جزائر سے ٹکرانا شروع ہوگئے ہیں ۔

فلوریڈا کے گورنر رک اسکاٹ نے کہا ہے کہ اس طوفان کی تباہی سے شدید تشویش لاحق ہوگئی ہے ۔ طوفانی ہواؤں کی رفتار 130 کیلو میل فی گھنٹہ ہے ۔ یعنی 209 کیلو میٹر فی گھنٹہ کی رفتار سے ہوائیں چل رہی ہیں ۔ امریکہ کے ساحلوں سے ٹکرانے سے پہلے یہ طوفان ارما جزائر عرب الہند باکیربین کے مختلف جزیروں سے ٹکرایا تھا جہاں 25 سے زائد افراد ہلاک ہوگئے تھے ۔ فلوریڈا میں طوفان کی شدت سے چار لاکھ 30 ہزار گھروں کو برقی فراہمی بند ہوچکی ہے ۔ زائد از 6.3 ملین عوام سے کہا گیا ہے کہ وہ فلوریڈا چھوڑدیں ۔ فلوریڈا میں تقریباً ایک لاکھ 20 ہزار امریکی شہری مقیم ہیں ۔ جبکہ ہزاروں ہندوستانی میامی کے خطرناک زونس میں رہتے ہیں ۔ ہندوستانی سفارتخانہ نے 24 گھنٹے ہیلپ لائن نمبر کھلارکھا ہے ۔ ہاٹ لائن نمبر 202-258-8819 کے علاوہ اٹلانٹا میں ہندوستانی قونصل خانے کے ہیلپ لائن نمبرس +14044052567 اور +1678179393 ہیں ۔ وزارت خارجہ کے ترجمان رویش کمار نے بھی کنگسٹن میں متعین ہندوستانی ہائی کمیشن کے دن رات چلنے والے ہیلپ لائین کو ٹوئیٹ کیا ہے ۔ ان کا نمبر +18768334500 ، +18765641378 ہیں ۔صدر ٹرمپ نے میری لینڈ میں کیمپ ڈیویڈ مقام پر وفاقی کابینی رفقاء کے ساتھ طوفان کی تباہی کا جائزہ لیا اور راحت کاری اقدامات کی ہدایت دی۔

 

TOPPOPULARRECENT