Wednesday , April 26 2017
Home / انتقال نام / انتقال

انتقال

حیدرآباد ۔ 15 ۔ فروری : ( راست ) : صوفی سید ریاض احمد شاہ قادری ثبوتی بغدادی خلیفہ ولد صوفی سید نثار احمد شاہ قادری سابق سوپروائزر ایچ اے ایل کمپنی بالا نگر کا بعمر 63 سال انتقال ہوگیا ۔ مرحوم ، ساری زندگی دین اسلام کی اشاعت و تبلیغ میں گذار دی اور علم تصوف کے حصول کے لیے دو سال تک عراق شام اور اردن کا دورہ کر کے تمام پیغمبران صحابہ کرام اور اولیائے کرام کی زیارت کا شرف حاصل کیا ۔ بغدادی خلیفہ کے دست مبارک پر اب تک سینکڑوں غیر مسلموں نے اسلام قبول کیا ۔ بغدادی خلیفہ نے شریعت ، طریقت اور معرفت پر اب تک چھ کتابیں تصنیف کی ہیں جن میں قابل ذکر سارا قرآن اللہ کا تعارف ، دیدار الہی اور افادیت ذکر الہی شامل ہے ۔ پسماندگان میں اہلیہ کے علاوہ تین لڑکے اور تین لڑکیاں شامل ہیں۔ نماز جنازہ بعد نماز ظہر جامع مسجد درگاہ حضرت سید احمد بادپاؒ میں ادا کی گئی ۔ اور تدفین اسی قبرستان میں عمل میں آئی ۔ فاتحہ سیوم بروز جمعہ بعد نماز عصر جامع مسجد حضرت سید احمد بادپاؒ میں مقرر ہے ۔۔

٭٭    محترمہ سیدہ نازنین سلطانہ زوجہ جناب شیخ ندیم کا بعمر 41 سال انتقال ہوگیا ۔ نماز جنازہ بعد نماز ظہر مسجد حسینی امام گوڑہ امیر پیٹ میں ادا کی گئی اور تدفین قبرستان نزد سلطان العلوم کالج ، بنجارہ ہلز میں عمل میں آئی ۔ پسماندگان میں ایک لڑکا اور ایک لڑکی شامل ہیں ۔ تفصیلات کے لیے 9059619641 ۔ 9948061835 پر ربط کریں ۔۔

٭٭    جناب سید مشتاق حسین جعفری ابن سید عبدالرحیم جعفری مرحوم کا بعمر 73 سال 13 فروری کو ممبئی میں انتقال ہوگیا ۔ نماز جنازہ 14 فروری کو بعد نماز عصر جامع مسجد چوک میں مولانا مفتی محمد عظیم الدین نے پڑھائی اور تدفین آبائی قبرستان ریاض منیرہ واقع بیرون فتح دروازہ نزد چراغ علی نل ، عمل میں آئی ۔ فاتحہ سیوم 16 فروری جمعرات بوقت عصر جامع مسجد چوک میں مقرر ہے ۔ مزید تفصیلات کے لیے 9985426155 ۔ 7416458236 پر ربط کریں ۔۔
٭٭    محترمہ سیدہ محبوب النساء صاحبزادی حضرت سید شاہ دستگیر بادشاہ حسینی زیدیؒ زوجہ حضرت سید شاہ احمد اللہ حسینی قادریؒ مشائخ بالاپور کا 14 فروری بروز منگل انتقال ہوگیا ۔ نماز جنازہ بعد نماز مغرب مسجد رحمانیہ علی آباد میں مرحومہ کے فرزند مولانا سید شاہ ولی اللہ حسینی قادری لئیق پاشاہ نے پڑھائی اور تدفین احاطہ مسجد حضرت سید شاہ کریم اللہ حسینی المعروف بھٹی آہک ، علی آباد چوراہا عمل میں آئی ۔ فاتحہ سیوم 16 فروری بعد نماز عصر مسجد حضرت سید شاہ کریم اللہ حسینی المعروف بھٹی آہک ، علی آباد چوراہا میں مقرر ہے ۔ پسماندگان میں 6 صاحبزادے اور 3 صاحبزادیاں شامل ہیں ۔ مرحومہ ، جسٹس سید شاہ محمد قادری موظف جج سپریم کورٹ کی حقیقی ممانی تھیں ۔ مزید تفصیلات کے لیے 9700359612 پر ربط کریں ۔۔

 

 

Leave a Reply

TOPPOPULARRECENT