Friday , June 23 2017
Home / کھیل کی خبریں / انتھونی جوشوا نے ورلڈ ہیوی ویٹ ٹائٹل اپنے نام کرلیا

انتھونی جوشوا نے ورلڈ ہیوی ویٹ ٹائٹل اپنے نام کرلیا

لندن۔30 اپریل (سیاست ڈاٹ کام) برطانیہ کے باکسر انتھونی جوشوا نے یوکرین کے ولادیمیر کلٹشکو کو لندن کے ویمبلے سٹیڈیم میں کھیلے جانے والے ایک مقابلے میں ناک آؤٹ کر کے ورلڈ ہیوی ویٹ ٹائٹل جیت لیا ہے۔انتھونی جوشوا نے اپنے کریئر کا بہترین کھیل پیش کرتے ہوئے ولادیمیر کلٹشکو کو میچ کے 11 ویں راؤنڈ میں ناک آؤٹ کر دیا۔دونوں کھلاڑیوں نے تیز اور عمدہ کھیل کا مظاہرہ کیا۔جوشوا نے میچ کے پانچویں راؤنڈ میں کلٹشکو کو جب کہ کلٹشکو نے چھٹے راؤنڈ میں جوشوا کو زمین پر گرایا۔میچ کے 11 ویں راؤنڈ میں جوشوا نے کلٹشکو کو ناک آؤٹ کر کے ورلڈ ہیوی ویٹ کا ٹائٹل اپنے نام کیا۔واضح رہے کہ 27 سالہ انتھونی جوشوا نے گذشتہ 18 مقابلے ناک آؤٹ کی بنیاد پر جیتے ہیں۔مقابلہ جیتنے کے لیے کے بعد جوشوا نے کہا ‘جیسا کہ باکسنگ میں کہا جاتا ہے اپنے تکبر کو باہر چھوڑ کر آنا چاہئے اور اپنے حریف کا احترام کرنا چاہئے میں ولادیمیر کلٹشکو کا احترام کرتا ہوں۔’لندن کے ویمبلے سٹیڈیم میں ہفتہ کی رات کو ہونے والے اس مقابلے کو 90000 افراد نے دیکھا۔

Leave a Reply

TOPPOPULARRECENT