Saturday , September 23 2017
Home / دنیا / انڈونیشیا میں زلزلے کے جھٹکے

انڈونیشیا میں زلزلے کے جھٹکے

سنگاپور، 9 جون (رائٹر) انڈونیشیا کے لومبوک جزیرے میں آج زلزلے کے جھٹکے محسوس کئے گئے جس کی شدت ریکٹر اسکیل پر 6.2درج کی گئی ۔امریکی محکمے ارضیاتی سروے کے مطابق لومبوک سے 234 کلومیٹر دور زلزلے کے جھٹکے محسوس کئے گئے جس کا مرکز زمین کی سطح سے 29 کلومیٹر کی گھرائي میں تھا۔ زلزلے سے فوری طور پر کسی جانی یا مالی نقصان کی کوئی اطلاع نہیں ہے ۔ انڈونیشیا کے ڈیزاسٹر ریلیف ایجنسی بي این پی سی کے ایک ترجمان ستوپو پروو نگروھو نے بتایا کہ زلزلے کے جھٹکے انڈونیشیا ریزورٹ جزیرے بالی میں بھی محسوس کئے گئے ۔ زلزلہ تقریبا تین سے چار سیکنڈ تک محسوس کیا گیا لیکن سونامی کی وارننگ نہیں ہے ۔ زلزلہ آنے کے بعد لوگ گھروں سے باہر نکل آئے ۔

امدادی کارروائیوں میں
غفلت کا ذمہ دار روس : امریکہ
واشنگٹن ۔ 9 جون (سیاست ڈاٹ کام) شام کے جنگ سے متاثرہ شہروں میں امداد کی فراہمی کے معاملے پر روس اور امریکہ کے درمیان اختلافات کی خبریں آ رہی ہیں۔ امریکی حکومت نے تجویز پیش کی ہے کہ اگر محاصرہ زدہ علاقوں میں خوراک اور ادویہ کی سپلائی میں رکاوٹ برقرار رہتی ہے تو امدادی سرگرمیوں کی ذمہ داری روس کو نبھانی چاہیے۔امریکی وزارت خارجہ کی جانب سے جاری کردہ ایک بیان میں کہا گیا ہے کہ شام کے جنگ سے تباہ حال شہروں میں انسانی امداد کی فراہمی کے لیے روس نے ٹھوس اقدامات نہیں کیے حالانکہ شام کے اندر روسی فوج کے طیارے فوج بھی موجود ہیں۔ درایں اثناء  اقوام متحدہ نے ایک بیان میں بتایا ہے کہ اسد حکومت کی جانب سے عالمی امدادی ادارے کو محاصرہ زدہ دارایا، دوما اور المعضمیہ میں امدادی سامان لے جانے کی اجازت دی ہے۔

TOPPOPULARRECENT