Sunday , October 22 2017
Home / Top Stories / اکھلیش یادو سماج وادی پارٹی کے قومی صدر منتخب

اکھلیش یادو سماج وادی پارٹی کے قومی صدر منتخب

والد ملائم سنگھ یادو کو کنارہ کش کرنے کے بعد پارٹی پر گرفت مضبوط
آگرہ ۔ /5 اکٹوبر (سیاست ڈاٹ کام) اکھلیش یادو کو آج سماج وادی پارٹی کا پانچ سال کی میعاد کے لئے دوبارہ قومی صدر منتخب کیا گیا ۔ اس کے ساتھ ہی انہوں نے اپنے والد ملائم سنگھ یادو اور چچا شیوپال یادو کو حاشیہ پر لانے کے بعد پارٹی پر اپنی گرفت کو مزید مضبوط کیا گیا ہے ۔ ان کے دوبارہ انتخاب کا اعلان پارٹی کے سینئر لیڈر رام گوپال یادو نے یہاں سماج وادی قومی کنونشن میں کیا ۔ پارٹی کے دستور میں ترمیم کی گئی تاکہ پارٹی کے سربراہ کو موجودہ 3 سال کی میعاد سے بڑھاکر پانچ سال کی میعاد کی توسیع دی گئی ۔ اب 44 سالہ اکھلیش یادو آئندہ پانچ سال کے لئے سماج وادی پارٹی کے قومی صدر ہوں گے ۔ 2019 ء کے لوک سبھا اور 2022 ء کے یو پی اسمبلی انتخابات میں ان کی قیادت میں منعقد ہوں گے ۔ ملائم سنگھ یادو اور شیوپال دونوں نے سماج وادی پارٹی کے اس کنونشن میں شرکت نہیں کی ۔ اکھلیش نے دونوں کو قومی کنونشن کے لئے شخصی طور پر مدعو کیا تھا ۔ اپنے خطاب میں اترپردیش کے سابق چیف منسٹر نے کہا کہ میں نے نیتاجی (ملائم سنگھ) سے درخواست کی تھی کہ وہ کنونشن میں شرکت کریں ۔ ہر کوئی چاہتا تھا کہ نیتاجی ہمارے درمیان رہیں ۔ چیف منسٹر مغربی بنگال ممتا بنرجی اور اکھلیش کے چچا شیوپال یادو نے اپنے ٹوئیٹر پر اکھلیش کو مبارکباد پیش کی اور مستقبل کیلئے نیک خواہشات بھی کیں ۔ شیوپال یادو نے بھتیجے کو آشیرواد دیا ۔

TOPPOPULARRECENT