Monday , May 29 2017
Home / شہر کی خبریں / اے پی ایس آر ٹی سی کو نفع بخش بنانے کے اقدامات

اے پی ایس آر ٹی سی کو نفع بخش بنانے کے اقدامات

دیہی علاقوں تک بس خدمات میں توسیع کی تجویز، وزیر ٹرانسپورٹ اچن نائیڈو
حیدرآباد ۔8 اپریل (سیاست نیوز) آندھراپردیش اسٹیٹ روڈ ٹرانسپورٹ کارپوریشن (اے پی ایس آر ٹی سی) کی کارکردگی کو مزید فعال بناتے ہوئے عوام کو بہتر آرام دہ سفر کی سہولتوں کی فراہمی کے ذریعہ آر ٹی سی کو نفع بخش بنانے کیلئے مؤثر و مثبت اقدامات کئے جائیں گے بلکہ ایک جامع حکمت عملی اختیار کرکے دوردراز دیہی علاقوں تک عوام کیلئے بسوں کی سہولت فراہم کی جائے گی۔ مسٹر کے اچن نائیڈو جنہوں نے گذشتہ دنوں کابینہ میں توسیع اور قلمدانوں کے ردوبدل کے ذریعہ وزیر ٹرانسپورٹ کے قلمدان کا جائزہ حاصل کرتے ہوئے روڈ سیفٹی ادارہ سے متعلق ضلع کمیٹیوں کا قیام عمل میں لانے پر اپنی پہلی دستخط کی اور اخباری نمائندوں سے غیر رسمی بات چیت کرتے ہوئے مسٹر اچن نائیڈو نے کہا کہ ریاست کی شاہراہوں پر حادثات کے سدباب کیلئے حکومت اپنی اولین ترجیح مرکوز کرے گی اور سڑک حادثات کا تدارک کرنے کیلئے مؤثر اقدامات کئے جائیں گے۔ انہوں نے مزید کہاکہ اے پی ایس آر ٹی سی اپنے بسوں کی تعداد میں اضافہ کرکے عوام کو بہتر سہولتیں فراہم کرنے کے اقدامات کرے گا۔ وزیر ٹرانسپورٹ نے اخباری نمائندوں کے مختلف سوالات کے جوابات دیتے ہوئے کہاکہ ریاستی تلگودیشم حکومت ریاست آندھراپردیش میں پسماندہ طبقات کے ساتھ کسی ناانصافی کے بغیر ہی کاپو طبقہ کو تحفظات فراہم کرنے کے اقدامات کرے گی۔

Leave a Reply

TOPPOPULARRECENT