Thursday , October 19 2017
Home / شہر کی خبریں / اے پی کو خصوصی درجہ کے لیے تلگودیشم کے رکن پارلیمنٹ کا انوکھا احتجاج

اے پی کو خصوصی درجہ کے لیے تلگودیشم کے رکن پارلیمنٹ کا انوکھا احتجاج

نئی دہلی 9اگست (سیاست ڈاٹ کام ) آندھراپردیش کو خصوصی درجہ کا مطالبہ کرتے ہوئے تلگودیشم ارکان پارلیمنٹ کا احتجاج دہلی میں جاری ہے ۔ فلم اداکار سے سیاستداں بنے چتور کے رکن پارلیمنٹ شیو پرساد جو ہمیشہ انوکھے احتجاج کرنے کیلئے مشہور ہیں ‘ تلگو فنکار کے لباس میں پارلیمنٹ پہونچے ۔ اس موقع پر انہوں نے میڈیا سے بات کرتے ہوئے کہا کہ آندھراپردیش تنظیم نو بل کے تحت آندھرا سے کئے گئے وعدوں کو پورا کیا جائے ۔ انہوں نے کہا کہ آندھرا عوام کے جذبات کو کم نظر سے دیکھا جارہا ہے ۔ انہوں نے مرکزی حکومت سے مطالبہ کیا کہ آندھرا عوام کی قدر کرتے ہوئے ان کے مطالبہ کو پورا کیا جائے ۔ گنٹور کے تلگودیشم رکن پارلیمنٹ جئے دیو نے کہا ہے کہ اے پی کو خصوصی درجہ کے مسئلہ پر تلگودیشم کے صبر کا پیمانہ لبریز ہوگیا ہے ۔ احاطہ پارلیمنٹ میں میڈیا سے بات کرتے ہوئے انہوں نے کہا کہ ریاست کیلئے خصوصی پیکیج نہیں بلکہ خصوصی درجہ کی ضرورت ہے ۔ خصوصی درجہ اے پی کو دینے کا وعدہ ایک ہفتہ پہلے کیا گیا تھا ۔ پتہ نہیں کے اس کیلئے اب مزید کتنا انتظار کرنا پڑے گا ۔

TOPPOPULARRECENT