Tuesday , May 23 2017
Home / شہر کی خبریں / تلنگانہ اور آندھراپردیش میں سردی کی لہر میں اضافہ

تلنگانہ اور آندھراپردیش میں سردی کی لہر میں اضافہ

حیدرآباد 27 دسمبر ( سیاست نیوز) دونوں تلگو ریاستوں تلنگانہ اور آندھراپردیش میں سردی کی لہر میں اضافہ ہوگیا ہے ۔ سردی کے سبب عوام کو مسائل کا سامنا ہے ۔ محکمہ موسمیات نے کہا ہے کہ آئندہ تین تا چار دنوں کے دوران سردی کی لہر برقرار رہے گی ۔ رات اور صبح کے اوقات میں سردی کی لہر دیکھی جارہی ہے جبکہ دن کے اوقات میں درجہ حرارت میں اضافہ درج کیا جارہا ہے ۔ صبح کے اوقات میں شدید کہر دیکھی جارہی ہے جس سے ٹریفک میں مشکلات کا سامنا ہے ۔ عوام گھروں سے نکلنے میں ہچکچاہٹ محسوس کررہے ہیں۔چہل قدمی کرنے والوں کی تعداد بھی کم ہورہی ہے ۔ فقیر اور فٹ پاتھس پر سونے والے شدید طور پر متاثر ہوئے ہیں۔ عوام سردی سے بچنے کیلئے مختلف تدابیر اختیار کررہے ہیں اور گرم کپڑوں کی فروخت میں اضافہ ہورہا ہے ۔ سردی کا اثر ساحلی آندھراپردیش میں بھی زیادہ ہے ۔ سردی کے سبب چھوٹے بچے اور ضعیف افراد شدید متاثر ہیں۔ گرم کپڑوں کی فروخت میں بھی کافی اضافہ ہوگیا ہے ۔

Leave a Reply

TOPPOPULARRECENT