Sunday , October 22 2017
Home / شہر کی خبریں / تلنگانہ میں شدید بارش کا امکان

تلنگانہ میں شدید بارش کا امکان

حیدرآباد۔/11اکٹوبر، ( سیاست نیوز) محکمہ موسمیات نے خبردار کیا ہے کہ تلنگانہ کے تمام اضلاع میں شدید بارش کا امکان ہے۔ طوفانی ہواؤں کے ساتھ موسلا دھار بارش ہوگی۔ اسی دوران آج تلنگانہ کے اضلاع عادل آباد، محبوب نگر اور کریم نگر میں شدید بارش ہوئی۔ جھارکھنڈ اور اس سے متصل مغربی بنگال کے علاقوں پر ہوا کے دباؤ میں کمی کے باعث تلنگانہ میں بارش کا امکان ہے۔ مدھیہ پردیش، مہاراشٹرا اور پڑوسی ریاستوں پر طوفانی ہوائیں گشت کررہی ہیں اور یہ ہوائیں سطح سمندر سے 3.1کلو میٹر اور 4.5کلو میٹر بلند چل رہی ہیں۔ خلیج مغربی بنگال پر طوفانی ہواؤں کے گشت کرنے کی اطلاع ہے۔ انڈومان نکوبار سمندر میں تیز لہریں چل رہی ہیں۔ طوفان کی وجہ سے تلنگانہ کے کئی علاقوں میں شدید بارش کا امکان ہے۔ حیدرآباد اور اطراف واکناف کے علاقوں میں مطلع جزوی طور پر ابر آلود رہے گااور کہیں تیز اور کہیں ہلکی بارش ہوگی۔

TOPPOPULARRECENT