Friday , October 20 2017
Home / شہر کی خبریں / تلنگانہ میں شدید بارش کا امکان

تلنگانہ میں شدید بارش کا امکان

حیدرآباد ۔ 15 ۔ جولائی : ( سیاست نیوز) : شمال مغربی خلیج بنگال میں طوفان کی شدت کے باعث تلنگانہ کے تمام اضلاع میں شدید بارش کی پیش قیاسی کی گئی ہے ۔ محکمہ موسمیات نے بتایا کہ آئندہ 48 گھنٹوں کے دوران شدید بارش ہوگی ۔ جنوب مغربی مانسون ساحلی آندھرا پردیش پر سرگرم ہے ۔ تلنگانہ پر سے معمول کے مطابق گذر جائے گا اور رائلسیما میں جاکر کمزور پڑ جائے گا ۔ ساحلی آندھرا اور تلنگانہ کے بعض مقامات پر شدید بارش ریکارڈ کی گئی ہے ۔ اس دوران دونوں شہروں حیدرآباد و سکندرآباد میں مطلع جزوی طور پر ابر آلود رہے گا ۔ ہلکی یا تیز بارش کا امکان ہے ۔دونوں شہروں میں گزشتہ چند دن سے تیز اور ہلکی بارش ریکارڈ کی گئی ہے۔ شمال مغربی خلیج بنگال میں طوفان کے اثر کی وجہ سے بارش کا سلسلہ جاری ہے۔

TOPPOPULARRECENT