Monday , August 21 2017
Home / Top Stories / جموں میں فوجی قافلہ پر حملہ ، تین سپاہی ہلاک

جموں میں فوجی قافلہ پر حملہ ، تین سپاہی ہلاک

Army soldiers arrive at the site of militant attack on their convoy in Kadlbal area of Pampore in south of Srinagarin 17 December 2016. Three soldiers were killed and two were injured after suspected militants ambushed a convoy of the Indian Army and attacked it at Srinagar-Jammu National Highway 1-A in Pampore. Express photo by Shuaib Masoodi

پرہجوم مقام پر حملہ ، عام شہریوں کو بچانے ، سکیورٹی فور سیس کا جوابی کارروائی سے گر یز
سرینگر ۔ /17 ڈسمبر (سیاست ڈاٹ کام) سرینگر ۔ جموں قومی شاہراہ کے قریب پرہجوم علاقہ پامپور میں ایک فوجی قافلہ پر دہشت گرد حملے کے نتیجہ میں تین سپاہی ہلاک اور دیگر دو زخمی ہوگئے ۔ ایک فوجی عہدیدار نے کہا کہ ’’پامپور میں ایک فوجی قافلہ پر دہشت گرد حملے کے نتیجہ میں تین سپاہی شہید ہوگئے ‘‘ ۔ انہوں نے کہا کہ مزید تفصیلات موصول ہورہے ہیں ۔ ایک پولیس عہدیدار نے کہا کہ ضلع پلوامہ کے پامپور ٹاؤن کے تحت کدل بل کے پرہجوم مقام پر یہ دہشت گرد حملہ ہوا جس میں زخمی دو سپاہیوں کو ہاسپٹل منتقل کیا گیا ہے ۔ انہوں نے کہا کہ سکیورٹی فورسیس نے صبر و تحمل کا مظاہرہ کیا اور عام شہریوں کو کسی گزند سے بچانے کیلئے جوابی کارروائی سے گریز کیا گیا ۔ عہدیدار نے کہا کہ ابتدائی تحقیقات سے پتہ چلتا ہے کہ عسکریت پسندوں نے اس مہلک حملے کیلئے موٹر سیکلوں کا استعمال کیا تھا ۔ حملہ آوروں کو پکڑنے کیلئے اطراف و اکناف کے علاقوں میں تلاشی مہم جاری ہے ۔ یہ فوجی قافلہ جموں سے سرینگر روانہ ہورہا تھا کہ اس کو اچانک حملہ کانشانہ بنایا گیا ۔

TOPPOPULARRECENT