حدیث

   

قاتل اور مقتول دونوں جہنمی
عَنْ أَبِي بَکْرَةَ نُفَيْعِ بْنِ الْحَارِثِ الثَّقَفِيِّ رضي اللہ عنه أَنَّ النَّبِيَّ صلي اللہ عليه وآله وسلم قَالَ : إِذَا الْتَقَي الْمُسْلِمَانِ بِسَيْفَيْهِمَا، فَالْقَاتِلُ وَالْمَقْتُوْلُ فِي النَّارِ. قُلْتُ : يَا رَسُوْلَ اﷲِ، هٰذَا الْقَاتِلُ فَمَا بَالُ الْمَقْتُوْلِ؟ قَالَ: إِنَّهٗ کَانَ حَرِيْصًا عَلٰي قَتْلِ صَاحِبِهٖ.
مُتَّفَقٌ عَلَيْهِ.
’’حضرت ابو بکرہ نفیع بن حارث ثقفی رضی اللہ عنہ روایت کرتے ہیں کہ حضور نبی اکرم صلی اللہ علیہ وآلہ وسلم نے فرمایا : جب دو مسلمان اپنی تلواروں کے ساتھ ملیں (آپس میں لڑیں) تو قاتل اور مقتول دونوں جہنم میں ہیں۔ میں نے عرض کیا : یا رسول اﷲ! قاتل کے متعلق تو درست (ہے) لیکن مقتول کیوں؟ فرمایا : کیوں کہ وہ بھی اپنے حریف کو قتل کرنے کا تمنائی تھا۔‘‘

اللہ تمہارے اعمال کو دیکھتا ہے
عَنْ أَبِي هُرَيْرَةَ عَبْدِ الرَّحْمَنِ بْنِ صَخْرٍ رضي اللہ عنه، قَالَ : قَالَ رَسُوْلُ ﷲِ صلي اللہ عليه وآله وسلم : إِنَّ ﷲَ لَا يَنْظُرُ إِلٰي أَجْسَادِکُمْ، وَلَا إِلٰي صُوَرِکُمْ وَلَکِنْ يَّنْظُرُ إِلٰي قُلُوْبِکُمْ. وفي رواية بلفظ : إِنَّ ﷲَ لَا يَنْظُرُ إِلٰي صُوَرِکُمْ وَأَمْوَالِکُمْ وَلَکِنْ يَّنْظُرُ إِلٰي قُلُوْبِکُمْ وَأَعْمَالِکُمْ. رَوَاهُ مُسْلِمٌ وَابْنُ مَاجَه.
’’حضرت ابوہریرہ رضی اللہ عنہ سے روایت ہے کہ حضور نبی اکرم صلی اللہ علیہ وآلہ وسلم نے فرمایا : بے شک اللہ تعالیٰ نہ تمہارے جسموں کو دیکھتا ہے اور نہ ہی تمہاری صورتوں کو، بلکہ وہ تمہارے دلوں کو دیکھتا ہے۔ (اور ایک روایت میں یہ الفاظ ہیں : ) ’’بے شک اللہ تعالیٰ تمہاری شکلوں اور تمہارے اَموال کو نہیں دیکھتا بلکہ وہ تمہارے دلوں اور تمہارے اَعمال کو دیکھتا ہے۔‘‘