Wednesday , September 27 2017
Home / عرب دنیا / حلب کا اہم ہوائی اڈہ شامی فوج نے آزاد کرا لیا، داعش کا قبضہ برخاست

حلب کا اہم ہوائی اڈہ شامی فوج نے آزاد کرا لیا، داعش کا قبضہ برخاست

دمشق ۔ 11 ۔ نومبر (سیاست ڈاٹ کام )  شام کی سرکاری فوج نے شمالی صوبے حلب کی ایک بڑی فوجی ائر بیس کو دولت اسلامیہ عراق وشام ‘داعش’ کے جنگجوؤں کے تسلط سے آزاد کرا لیا ہے۔ داعش نے تقریباً ایک سال سے ائر بیس کا محاصرہ کر رکھا تھا۔موقع پر موجود ایک غیر ملکی خبر رساں ایجنسی ‘اے ایف پی’ کے فوٹوگرافر نے بتایا “کہ شامی فوجیوں کا ایک گروپ خوریز ہوائی اڈے کے مغربی علاقے میں مورچہ زن داعش کے جنگجوؤں کی صفوں کو چیرتا ہوا اندر داخل ہوا، جس کے بعد فوج بیس کے اندر داخل ہوئی۔”فوٹو گرافر کا مزید کہنا تھا “کہ شامی فوجیوں نے اس ‘فتح’ کی خوشی میں ہوائی فائرنگ کی۔”شام کے سرکاری ٹی وی نے ہوائی اڈے کے باہر سے اس کامیابی پر براہ راست نشریات پیش کیں اور اس پیش رفت کو بڑی فتح کے طور پر سراہا۔ لائیو کوریج کے دوران دعوی کیا گیا کہ “اس کارروائی میں داعش کے متعدد دہشت گرد ہلاک ہوئے۔”یاد رہے کہ خوریز ہوائی اڈے پر پہلے بشار الاسد کے مخالف باغیوں کا قبضہ تھا لیکن 2014 کے موسم بہار سے داعش نے اسے اپنے زیر نگیں کر رکھا تھا۔ائر بیس کے گرد ونواح کے علاقوں میں داعش کے جنگجوؤں کی تاحال موجودگی کی اطلاعات ہیں۔

TOPPOPULARRECENT