Saturday , August 19 2017
Home / Top Stories / دیوریا میں چار دنوںسے جاری فرقہ وارانہ تنازعہ کے بعد صورتحال پرسکون مگر کشیدہ، 31 افراد گرفتار

دیوریا میں چار دنوںسے جاری فرقہ وارانہ تنازعہ کے بعد صورتحال پرسکون مگر کشیدہ، 31 افراد گرفتار

دیوریا، 16 اکتوبر (سیاست ڈاٹ کام) اترپردیش میں دیوریا کے لار علاقہ میں دسہرہ کی مورتی وسرجن کرنے کے مسئلے پر گزشتہ چار دنوں سے جاری تنازعہ کے بعد آج صورتحال پرسکون ہوئي ہے ، مگرکشیدگی برقرار ہے ۔ اس سلسلے میں ابھی تک 31 لوگوں کو پولس نے گرفتار کیا ہے ۔  سرکاری ذرائع نے بتایا کہ کل کثیر تعداد میں پولس فورس تعینات کر کے مورتی وسرجن کیا جا رہا تھا ، اسی دوران عشاء کی نماز کی وجہ سے کچھ دیر کے لیے ٹریفک روک دی گئی تھی۔ اس دوران ایڈیشنل پولس سپرنٹنڈنٹ این کے سنگھ نے مورتی وسرجن میں ساؤنڈ سسٹم کی آواز کم کرنے کے لئے کہا، جس پر معاہدے کے بعد ماحول پھر بگڑ گیا اور لوگ وسرجن یاترا کو چھوڑ کر پولس سے جھڑپ کے بعد پتھراؤ کرنے لگے ۔ لاٹھی چارج میں چھ لوگوں کے ساتھ ایڈمرل ویریندر سمیت چند پولیس اہلکار بھی زخمی ہو گئے ۔ اس واقعہ کے بعد شر پسند عناصر نے میھرونا میں گرام پردھان توفیق احمد کی فرنیچر کی دکان میں کل دیر رات آگ لگا دی اور پتھراؤ کر کے تقریبا نصف درجن دکانوں کو نقصان پہنچایا۔ پتھراؤ میں دو سرکاری گاڑیوں سمیت چھ گاڑیوں کو نقصان پہنچا ۔  پولس سپرنٹنڈنٹ محمد عمران نے آج یہاں ‘ یو این آئی’ کو بتایا کہ اس وقت لار علاقے میں مکمل سکون ہے ۔ اس معاملے میں 31 افراد کو گرفتار کیا گیا ہے ۔ احتیاطی سکیورٹی کیلئے پولس فورس تعینات ہے ۔ بھیڑ کے حملے میں پولس کے ایک جوان کو چوٹیں آئی ہیں۔ تاہم، انہوں نے اس واقعہ میں ڈی ایم کے زخمی ہونے کو افواہ

TOPPOPULARRECENT