Monday , April 24 2017
Home / اضلاع کی خبریں / ذمہ داریاں نبھائیں یا کارروائی کا سامنا کرنے تیار رہیں

ذمہ داریاں نبھائیں یا کارروائی کا سامنا کرنے تیار رہیں

محبوب نگر میں عہدیداروں کو وزیر صحت لکشماریڈی کا سخت انتباہ
محبوب نگر /13 جنوری ( سیاست ڈسٹرکٹ نیوز ) عہدیدار اپنی ذمہ داروں کو بخوبی نبھائیں اور جائزہ اجلاس میں اپنی تشفی بخش کارکردگی کی رپورٹ پیش کریں بصورت دیگر سخت کارروائی کا سامنا کرنا تیار رہیں ۔ یہ انتباہ ریاستی وزیر صحت ڈاکٹر سی لکشما ریڈی نے جمعرات کے دن ضلع عہدیداروں کو ریونیو میٹنگ ہال میں منعقدہ جائزہ اجلاس میں دیا ۔ اجلاس میں شری کاکتیہ ، شری بھگیرتا ، ہریتا ہارم ، ڈبل بیڈروم اور پنچایت روڈز دیگر اسکیمات پر عمل آوری کے تعلق سے تفصیلی جائزہ لیا گیا ۔ انہوں نے عہدیداروں کو ہدایت دی کہ مشن بھگیرتا کے تحت 15 فروری تک ضلع کے 288 مواضعات میں نلوں سے پانی فراہم کیا جائے ۔ مشن کاکتیہ کے تحت 800 تالابوں سے مٹی کی نکاسی اور مرمت کے کام کو پورا کرلیا جائے ۔ تمام اسکیمات کے کام کی رفتار تیز کی جائے ان کاموں کیلئے فنڈز کی کوئی کمی نہیں ہے ۔ عہدیدار لاپرواہی نہ برتیں بلکہ محنت اور جستجو کے ساتھ کام کرتے رہیں ۔ کیونکہ عہدیداروں کی بہتر کارکردگی سے ہی حکومت کو شہرت ملتی ہے ۔ مقامی ایم ایل اے سرینواس گوڑ نے کہا کہ غریبوں کے دیرینہ خوابوں کو پورا کرنے کی غرض سے ڈبل بیڈروم تعمیر کئے جارہے ہیں ۔ اس کو بعجلت مکمل کرلیا جائے ۔ ڈیوٹی پلی کرستان پلی میں تو کام کی رفتار مناسب ہے ۔ مستقر کے کہنہ پالمور ، پرانا باغ ، ایرہ منوگنٹہ دویرنا پیٹ کے عوام کو بھی وزیر اعلی کے سی آر نے تیقن دیا تھا کہ یہاں بھی ڈبل بیڈروم مکانات تعمیر کئے جئایں گے ۔ انہوں نے مزید کہا کہ جی پلس مکانات کیلئے راضی ہونے والے درخواست گذاروں کیلئے اراضی کی نشاندہی کی جائے ۔ منی ٹینک بینڈ کے کام بھی تیز رفتاری کے ساتھ تکمیل کرلینے کی ہدایت دی ۔ ضلع کلکٹر رونالڈ روز نے کہا کہ مشن کاکتیہ کے تحت پہلے فیس کا کام جاریہ ماہ کے اواخر تک پورا کرنے پر ہی بلس ادا کئے جائیں گے ۔ دیورکدرہ ایم ایل اے وینکٹیشور ریڈی ، نارائن پیٹ ایم ایل اے راجندر ریڈی نے بھی اپنے اپنے حلقہ جات میں کاموں کی رفتار میں تیزی لانے کا مطالہ کیا ۔ گنگا ریڈی ڈسٹرکٹ فارسٹ آفیسر نے بتایا کہ ضلع کے 165 نرسریز میں 1.80 کروڑ پودے تیار کئے جاچکے ہیں ۔ جس میں 1.04 کروڑ پودے ساگوان کے ہیں ۔ نیشنل ہائی وے کے 57 کیلومیٹر طویل سڑک پر شجرکاری صد فیصد مکمل کرلی گئی ہے ۔ اجلاس میں ایم وی رمنا راؤ ڈی ایم ہاوزنگ ٹرینی کلکٹر گوتم ، آر ڈی او لکشمی نارائنا و دیگر عہدیدارو موجود تھے ۔

Leave a Reply

TOPPOPULARRECENT