Thursday , August 24 2017
Home / شہر کی خبریں / ربیع فصل کے پیش نظر کسانوں کو تمام تر سہولتیں

ربیع فصل کے پیش نظر کسانوں کو تمام تر سہولتیں

ٹیلی کانفرنس کے ذریعہ چیف منسٹر اے پی کی عہدیداروں کو ہدایت
وجئے واڑہ ۔ 15 ۔ جون : ( این ایس ایس ) : چیف منسٹر اے پی چندرا بابو نائیڈو نے آج کہا کہ ان کی حکومت عوامی فلاح و بہبود کے وعدے کی پابند ہے ۔ جب کہ عوام کو غذا ، پانی ، برقی ، تعلیم کی سہولتیں پہنچائی جائیں گی اور عوامی زندگیوں کے تحفظ کو یقینی بنانے مناسب عمل آوری کی جائے گی ۔ چیف منسٹر اے پی نے مختلف محکمہ جات کے عہدیداروں کے ساتھ ایک ٹیلی کانفرنس میں اس بات سے واقف کرواتے ہوئے ربیع فصل کے پیش نظر کسانوں کو تخم ، کھاد اور دیگر زرعی آلات کی مناسب سربراہی کی ہدایات دی ۔ چیف منسٹر نے بتایا کہ 6.32 لاکھ منظورہ زرعی تالابوں کے منجملہ صرف 27 ہزار 604 تالابوں کا کام تکمیل پایا ہے ۔ جب کہ تالابوں کے کام کا آغاز عمل میں آیا ہے ۔ انہوں نے کام کی تکمیل پر بھر پور توجہ مرکوز کرنے کی ہدایت دی ۔ چیف منسٹر اے پی نے بتایا کہ ریاست میں خشک سالی سے نمٹنے دریاؤں کو ایک دوسرے سے مربوط کرنے زیر زمین پانی کی سطح میں اضافہ ، پانی کے تحفظ کے اقدامات کئے جائیں گے ۔ انہوں نے بتایا کہ ریاست میں چالیس ہزار ایکڑ کو ہارٹیکلچر سے آراستہ کیا گیا ہے ۔ چندرا بابو نائیڈو نے کہا کہ ریاست کو سرسبز و شاداب بنانے کے اقدامات بروئے کار لائے جائیں گے ۔ اسکولوں ، کالجس ، دفاتر کے احاطہ میں شجرکاری کی جائے گی ۔ چندرا بابو نائیڈو نے کہا کہ اگر ہم سب مل کر قدرتی وسائل سے محبت کریں گے تب ماحول بھی ہم کو اس کا جواب دے گا ۔ انہوں نے کہا ریاستی حکومت پانی کے تحفظ میں اہم کردار ادا کرنے والے طلبہ ، این جی اوز اور عوام الناس کو اعزاز سے نوازے گی ۔۔

TOPPOPULARRECENT