Thursday , March 23 2017
Home / Top Stories / سابق وزیراعظم آنجہانی اندرا گاندھی کو خراج

سابق وزیراعظم آنجہانی اندرا گاندھی کو خراج

گاندھی بھون میں یوم پیدائش تقریب، سال بھر تقاریب منانے اتم کمار ریڈی کا اعلان

حیدرآباد ۔ 19 نومبر (سیاست نیوز) صدر تلنگانہ پردیش کانگریس کمیٹی کیپٹن اتم کمار ریڈی نے اندرا گاندھی کی 100 ویں یوم پیدائش پر انہیں خراج عقیدت پیش کرتے ہوئے ایک سال تک ریاست میں یوم پیدائش تقاریب کا اہتمام کرنے کا اعلان کیا۔ گاندھی بھون میں منعقدہ تقریب سے خطاب کرتے ہوئے ان خیالات کا اظہار کیا۔ اس موقع پر قائد اپوزیشن تلنگانہ قانون ساز کونسل محمد علی شبیر، ورکنگ پریسیڈنٹ ملوبٹی وکرامارک کے علاوہ دو سینئر جرنلسٹ پی وینکٹیشور راؤ اور وینکٹ نارائنا کے علاوہ سابق تلنگانہ پردیش کانگریس کمیٹی سید یوسف ہاشمی، کانگریس قائد سید شوکت، رحمت علی کے علاوہ دوسرے قائدین موجود تھے۔ کیپٹن اتم کمار ریڈی نے کہاکہ اندرا گاندھی نے غریبی ہٹاؤ کا نعرہ دیتے ہوئے غربت کے خاتمہ کیلئے جو خدمات انجام دی ہے وہ ناقابل فراموش ہے۔ مختلف فلاحی  اسکیمات کو متعارف کراتے ہوئے سماج کے تمام طبقات کی فلاح و بہبود کیلئے خدمات انجام دی ہے۔ انہوں نے پارٹی کے کارکنوں سے دیہی علاقہ سے ریاستی سطح تک صدی یوم پیدائش تقاریب منانے کی ہدایت دی۔ سینئر صحافی پی وینکٹیشور راؤ نے کہا کہ اندرا گاندھی کے دورحکومت میں سبز انقلاب پیدا ہوا تھا۔ ملک کی آبادی میں 30 کروڑ آبادی کا اضافہ ہونے کے باوجود کبھی غذائی اجناس کی قلت پیدا نہیں ہوئی۔ ایمرجنسی، علحدہ تلنگانہ، خالصتان کے علاوہ دوسرے مسائل کو بہترین طریقہ سے حل کیا۔ 1971ء میں پاکستان سے جنگ کی امریکی صدر کی مخالفت کے باوجود اپنے فیصلے کو تبدیل نہیں کیا۔ بینکوں کو قومیائے ہوئے انقلابی تبدیلی لائی۔ بچپن سے آخری سانس تک کئی چیلنجس کا سامنا کیا مگر کبھی ہار نہیں مانی۔ سینئر صحافی وینکٹ نارائنا نے اندرا گاندھی کو خراج عقیدت پیش کرتے ہوئے کہا کہ بنگلہ دیش کیلئے ہندوستان کی پاکستان سے کی گئی جنگ سے ہندوستان ساری دنیا میں طاقتور ملک کے طور پر اپنے آپ کو منوالیا۔ بی بی سی کی جانب سے کئے گئے سروے میں طاقتور اور اثرورسوخ رکھنے والی شخصیتوں میں آنجہانی اندرا گاندھی سرفہرست رہی تھی۔ ورکنگ پریسیڈنٹ تلنگانہ پردیش کانگریس کمیٹی ملوبٹی وکرامارک نے کانگریس قائدین و کارکنوں کو ریاست بھر میں ایک سال تک اندرا گاندھی کی 100 ویں یوم پیدائش تقاریب کا اہتمام کرتے ہوئے انہیں خراج عقیدت پیش کرنے کا مشورہ دیا۔

Leave a Reply

TOPPOPULARRECENT