Sunday , September 24 2017
Home / شہر کی خبریں / سدی پیٹ میں کل مشاعرہ ٹی ہریش راؤ اور جناب عامر علی خاں کی شرکت

سدی پیٹ میں کل مشاعرہ ٹی ہریش راؤ اور جناب عامر علی خاں کی شرکت

سدی پیٹ ۔ 13 ۔ اکٹوبر : ( پریس نوٹ) : انجمن محبان اردو سدی پیٹ کے زیر اہتمام کل ہند مشاعرہ 15 اکٹوبر ہفتہ 9 بجے شب ین جی اوز بھون گاندھی چوک زیر نگرانی سید مسکین احمد منعقد ہوگا ۔ جس کا افتتاح ٹی ہریش راؤ ریاستی وزیر کریں گے جب کہ مہمان خصوصی جناب عامر علی خاں نیوز ایڈیٹر روزنامہ سیاست کے علاوہ کے پربھاکر ریڈی رکن پارلیمان ، محمد سلیم ایم ایل سی ہوں گے جب کہ اعزازی مہمان راج نرسو ، اطہر پٹیل ، عارف سلطان ، غوث محی الدین صدر تنظیم المساجد ، معید خاں ٹی آر ایس قائد ہوں گے ۔ صدارت غوث محی الدین کریں گے ۔ محمد شہید خاں کے بموجب اس موقع پر اقلیتی طبقہ کے نو منتخب ارکان بلدیہ جاوید ، وزیر ، معز الدین ، اطہر پٹیل وائس چیرمین کی انجمن کی جانب سے شال پوشی و گلپوشی کی جائے گی ۔ مشاعرہ میں کل ہند شہرت کے حامل شعراء حامد بھنساولی ، احمد نثار اندوری ، صفیان قاضی ، فیروز شیدا ، محترمہ رانا تبسم ، محترمہ مہک کرانوی کے علاوہ شکیل حیدر ، کوکب ذکی ، شیخ نعیم ، چچاپالموری ، عارف صیفی ، فیاض علی سکندر وغیرہ شرکت کریں گے ۔ محمد عبدالصبور ، خواجہ پاشاہ ، حمید نے سدی پیٹ کے روایتی سالانہ یادگار مشاعرہ میں شرکت کی خواہش کی ہے ۔ داخلہ کی عام اجازت رہے گی ۔۔

TOPPOPULARRECENT