Friday , June 23 2017
Home / دنیا / سعودی عرب نے دہشت گردوں کی فہرست جاری کی

سعودی عرب نے دہشت گردوں کی فہرست جاری کی

قطر کے کئی نام شامل ، اقوام متحدہ کا فہرست کو تسلیم کرنے سے انکار
اقوام متحدہ۔ 10جون (سیاست ڈاٹ کام)اقوام متحدہ نے کہا کہ سعودی عرب کی جانب سے جاری دہشت گردوں کی اس فہرست کو تسلیم کرنے کے لیے وہ پابند نہیں ہے جس میں قطر کے مشہور سماجی اداروں کے نام شامل ہیں۔اقوام متحدہ کے سکریٹری جنرل انتونیو گٹیرس کے ترجمان اسٹیفن ڈجارک نے کل کہا کہ انہوں نے میڈیا کی رپورٹوں میں دیکھا ہے کہ چار عرب ممالک نے دہشت گردوں کی ایک فہرست جاری کی ہے جس میں قطر کی سماجی اداروں کے نام شامل ہیں۔مسٹر ڈجارک نے کہا، ” اقوام متحدہ صرف اس فہرست کو تسلیم کرنے کے لیے پابند ہے جسے سلامتی کونسل کے رکن ممالک مشترکہ طورپر جاری کرتے ہیں۔ اس کے علاوہ ہم کسی بھی فہرست کو تسلیم کرنے کے پابند نہیں ہیں۔ ”انہوں نے کہا کہ قطر کی سب سے بڑی غیر سرکاری تنظیم قطر چیریٹی نے اقوام متحدہ،یو این ایچ سی آر،یونیسیف، آکسفیم، کیئر اور یو ایس اے آئی ڈی کے ساتھ کام کیا ہے ۔ سعودی عرب، متحدہ عرب امارات، بحرین اور مصر نے جمعرات کے روز اپنے طور پر قطر کے جن اداروں کو بلیک لسٹ میں شامل کیا ہے۔ان میں شیخ الثانی بن عبداللہ فور ھیومنیٹیرین سروسز، شیخ عید الثانی چیریٹی فاؤنڈیشن بھی شامل ہے ۔وہیں قطر نے سعودی عرب اور اس کے اتحادیوں پر تنقید کرتے ہوئے اس فہرست کو بے بنیاد قرار دیا ہے ۔واضح رہے کہ سعودی عرب کے علاوہ دیگر عرب ممالک نے قطر پر دہشت گردی کوفنڈس کی فراہمی کا الزام عائد کرتے ہوئے سفارت روابط منقطع کرلئے ہیں۔

Leave a Reply

TOPPOPULARRECENT