Thursday , September 21 2017
Home / عرب دنیا / سعودی عرب نے سیاحتی ویزے کی منظوری دیدی

سعودی عرب نے سیاحتی ویزے کی منظوری دیدی

دبئی ،20جولائی (سیاست ڈاٹ کام)سعودی عرب کی وزارت سیاحت قومی ورثہ اتھارٹی نے غیر ملکی شہریوں کو ویزے جاری کرنے کی باضابطہ طور پر منظوری دے دی ہے ۔ آنے والے دنوں میں وزارت خارجہ اور وزارت داخلہ کی طرف سے بھی اس کی منظوری دے دی جائے گی۔العربیہ کے مطابق وزارت سیاحت کی طرف سے جاری کردہ ایک بیان میں کہا گیا ہے کہ سعودی عرب میں سیر وسیاحت کی غرض سے آنے کے خواہش مند غیرملکیوں کو سیاحتی ویزے جاری کیے جانے کی منظوری دی گئی ہے ۔ یہ ویزے عالمی سیاحتی کمپنیوں کے توسط سے جاری کیے جائیں گے ۔واضح رہے کہ سعودی عرب میں غیرملکیوں کے لیے الگ سے سیاحتی ویزا جاری کیا جانا قومی اقتصادی تبدیلی کے پروگرام 2020ء کا حصہ ہے ، جس کا مقصد قومی ثقافتی ورثے کو اقتصادی فواید اور قومی آمدنی میں اضافے کے لیے استعمال کرنا ہے ۔خیال رہے کہ سعودی عرب میں اقتصادی ترقی کے پروگرام 2020ء کے تحت ملک میں سیاحت کے فروغ کے لیے الگ سے سیاحتی ویزے جاری کرنے کا اعلان کیا گیا تھا جس پر اب عمل درآمد ہو رہا ہے ۔ قومی اقتصادی تبدیلی پروگرام برائے 2020ء کے وضع کردہ روڈ میپ پرعمل درآمد سے پرائیوٹ سیکٹر کو ملک میں سیاحت کے شعبے میں سرمایہ کاری کے مواقع ملیں گے ، ملکی اقتصادی ترقی کی شرح میں اضافہ اور نوجوانوں کو روزگار ملے گا۔

TOPPOPULARRECENT