Wednesday , July 26 2017
Home / شہر کی خبریں / سماجی انفرا اسٹرکچر پر جی ایس ٹی شرحوں میں کمی پر زور

سماجی انفرا اسٹرکچر پر جی ایس ٹی شرحوں میں کمی پر زور

ریاستی حکومت پر 19,200 کروڑ کا بوجھ عائد ہوگا ۔ کے کویتا
حیدرآباد 30 جون ( پی ٹی آئی ) حکومت تلنگانہ نے مطالبہ کیا کہ سماجی انفرا اسٹرکچر کے پراجیکٹس پر جی ایس ٹی کی شرح کو 5 فیصد ہی برقرار رکھنا چاہئے ۔ پارٹی نے کہا کہ جی ایس ٹی کی نئی شرحو سے ریاست کا اضافی بوجھ 19,200 کروڑ تک پہونچ جائے گا ۔ پارٹی کی رکن پارلیمنٹ نظام آباد کے کویتا نے کہا کہ ریاستی حکومت کی جانب سے آبپاشی ‘ ہاوزنگ اور عمارات و شوارع کے علاوہ دیگر شعبہ جات سے متعلق 2.3 لاکھ کروڑ کے پراجیکٹس پر کام ہو رہا ہے ۔ کچھ پراجیکٹس اپنی تکمیل کے قریب ہیں۔ ریاستی حکومت کی جانب سے ان پراجیکٹس پر پانچ فیصد ویاٹ ادا کیا جا رہا ہے ۔ اب نئے ٹیکس نظام کے تحت ان پراجیکٹس پر 12 فیصد جی ایس ٹی عائد ہوگا ۔ انہوں نے کہا کہ نئے ٹیکس نظام کے تحت ریاستی حکومت پر 19,200 کروڑ کا اضافی بوجھ عائد ہوگا ۔ یہ بہت تشویش کی بات ہے ۔ چیف منسٹر کی دختر نے کہا کہ ریاستی حکومت کیلئے اتنی بھاری رقم مرکزی حکومت کو ادا کرنا بہت ہی مشکل ہوگا ۔ انہوں نے کہا کہ ریاستی حکومت کا مطالبہ ہے کہ بیڑی ‘ گرانائیٹ اور ٹیکسٹائیل جیسے شعبہ جات پر جی ایس ٹی کی شرحوں کو کم کیا جانا چاہئے ۔ انہوں نے امید ظاہر کی کہ جلد یا بدیر مرکزی حکومت ان مطالبات پر ور کریگی ۔

Leave a Reply

TOPPOPULARRECENT