حیدرآباد30ستمبر ( سیاست نیوز) کمشنر پولیس انجنی کمار نے سوشیل میڈیا پر افواہ پھیلانے والوں کو سخت کارروائی انتباہ دیا ۔ کمشنر نے عوام سے اپیل کی کہ سوشیل میڈیا پر وائرل غیر مصدقہ خبروں کو شیئر نہ کریں ۔ انہوں نے کہا کہ کشمیر کے پس منظر میں بعض عناصر غلط اور بے بنیاد ویڈیوز اور تصاویر گشت کروا رہے ہیں جس سے شہر کے لاء اینڈ آرڈر کو خطرہ ہوسکتا ہے ۔ انہوں نے کہا کہ شرپسند عناصر ایسے ویڈیوز استعمال کر رہے ہیں جس کا ہندوستان سے کوئی تعلق نہیں اور کشمیر کے ویڈیوز قرار دے کر عراق و افغانستان کے ویڈیوز گشت کروا رہے ہیں ۔ انہوں نے کہا کہ غلط خبریں پھیلانے والوں کے خلاف پولیس سخت کارروائی کرے گی ۔
