Saturday , August 19 2017
Home / شہر کی خبریں / سکھوں کے پہلے گرو گرونانک کی یوم پیدائش تقاریب

سکھوں کے پہلے گرو گرونانک کی یوم پیدائش تقاریب

پربندھک کمیٹیاں 21 تا 25 نومبر تقاریب کا کامیاب انعقاد کریں گی
حیدرآباد ۔ 19 ۔ نومبر : ( سیاست نیوز ) : اس ماہ سکھ مت برادری 21 تا 25 نومبر پہلے سکھ گرو ، سری گرونانک دیوجی کی سالگرہ تقاریب پراکاش اتسو کے طور پر منائے گی ۔ صحافتی نمائندوں سے بات کرتے ہوئے جمعرات کو پربندھک کمیٹی صدور ایس بلدیو سنگھ بگا ( جی ایس ایس ) اور ایس بلبیر سنگھ بگا ( جی ایس جی ایس ایس ) اور دیگر نے کہا کہ گردوارہ صاحب سکندرآباد اور گردوارہ سری گرو سنگھ سبھا ، گرونانک مارگ ، اشوک بازار ، افضل گنج کی پربندھک کمیٹیاں مشترکہ طور پر ان تقاریب کو عظیم الشان طور پر کامیاب منانے کا اعلان کیا ہے ۔ اس سلسلے میں ’ نگر کیرتنس ‘ گردوارہ صاحب سکندرآباد سے 21 اور 23 نومبر کو گردوارہ سری گرو سنگھ سبھا ، گرونانک مارگ ، اشوک بازار ، افضل گنج سے 4 بجے شام نکالے جائیں گے ۔ پراکاش اتسو کے دن 25 نومبر کو ’ وشال دیوان ‘ نظام کالج گراونڈس پر 10-30 بجے دن تا 4-30 بجے شام منعقد کیا جائے گا ۔ گروگرنتھ صاحب جی سجی ہوئی گاڑی میں ’ نشان صاحبانس کے ہمراہ شاہ باد کیرتنس کرتے ہوئے جتھہ تیرا جتھہ اور مرد و خواتین کے کیرتنی جتھوں کے ہمراہ جائیں گے ۔ اس کے علاوہ پنج پیاراس روایتی رسم انجام پائے گی ۔ دیگر نگر کیرتن 23 نومبر کو گردوارہ سری گرو سنگھ سبھا ، افضل گنج سے شام کو نکلے گا ۔ دعائیہ کے بعد بھگتوں میں لنگر تقسیم ہوگا ۔ دو رات کیرتن درباروں میں ایک کا 24 نومبر کو گردوارہ صاحب سکندرآباد میں 7-30 بجے شام تا 11 بجے شب اور دیگر کا 25 نومبر کو گردوارہ سری گرو سنگھ سبھا ، افضل گنج میں 9 بجے شب تا 2-30 بجے شب انعقاد عمل میں آئے گا ۔۔

TOPPOPULARRECENT