Monday , March 27 2017
Home / اضلاع کی خبریں / صحافیوں کی سماجی خدمات کی ستائش

صحافیوں کی سماجی خدمات کی ستائش

بھینسہ میں تہنیتی تقریب سے کانگریس قائد راما راؤ پٹیل کا خطاب
بھینسہ۔ 7 مارچ (سیاست ڈسٹرکٹ نیوز) عوامی مسائل کو منظر عام پر لاتے ہوئے حکومت کو واقف کروانے میں صحافیوں کا اہم کردار ہوتا ہے۔ ان خیالات کا اظہار پی راما راؤ پٹیل انوسیا پوار ٹرسٹ چیرمین و کانگریس قائد نے بھینسہ شہر میں انوسیا پوار ٹرسٹ اور ایس ایس ڈیجیٹل نیٹ ورک کی جانب سے منعقدہ بھینسہ ڈیویژن کے الیکٹرانک میڈیا کمیٹی کے نومنتخب صدر و اراکین اور دیگر صحافیوں کی تہنیتی تقریب سے خطاب کرتے ہوئے کیا۔ انہوں نے پرنٹ میڈیا کے مختلف صحافیوں کی سماجی خدمات کی ستائش کی۔ اس تقریب میں بی گنگادھر سابق صدرنشین بلدیہ بھینسہت گنگادھر گوڑ، چونڈی راجیشور نے خطاب کرتے ہوئے الیکٹرانک میڈیا کے صدر اراکین کو مبارکباد پیش کی۔ اس تہنیتی تقریب میں راما راؤ پٹیل نے نومنتخبہ صدر راما کرشنا، نائب صدر مہیش، ستیش، جنرل سیکریٹری عبدالستار، جوائنٹ سیکریٹریز شیخ اسمعیل، بی انیل، دیویندر اور سینو کے علاوہ اعزازی صدر عبدالبشیر اور سینئر صحافی الیکٹرانک میڈیا محمد مزمل، بھومنا کے علاوہ محمد کلیم الدین خالد سینئر صحافی و ضلع سیکریٹری TSUWJ، اظہر احمد خاں (سیاست)، تلنگانہ اردو جرنلسٹ یونین ضلع نرمل اڈوائزری کمیٹی کے علاوہ کرشنا، موہن اور دیگر صحافی وینکٹ، ولاس، سریکانت وغیرہ کو تہنیت پیش کی گئی۔ اس موقع پر نومنتخبہ صدر الیکٹرانک میڈیا کو راما کرشنا، سیکریٹری عبدالستار اور اعزازی صدر عبدالبشیر نے خطاب میں صحافیوں کے تمام مسائل کی یکسوئی کا تیقن دیا۔ اس تقریب کی کارروائی سینئر صحافی و ضلع سیکریٹری TSUWJ محمد کلیم الدین خالد نے بخوبی انجام دی۔ تقریب میں فیروز خاں (شیران) اور دیگر موجود تھے۔

Leave a Reply

TOPPOPULARRECENT