20جنوری تک ادخال فارم کی تاریخ میں توسیع
حیدرآباد ۔ 15جنوری ( سیاست نیوز) جناب ڈاکٹر محمد انور الدین انچارج امتحانات کی اطلاع کے بموجب عابد علی خاں ایجوکیشنل ٹرسٹ ( ادارہ سیاستکے زیراہتمام ادارہ ادبیات اردو پنجہ گٹہ کے اشتراک سے ابتدائی تین درجات کی تعلیم کے امتحانات اردو دانی ، زبان دانی ، انشاء 27جنوری 2019ء اتوار کو صبح 10تا 1بجے دن شہر حیدرآباد و سکندرآباد کے علاوہ اضلاع و دیگر پڑوسی ریاستوں پر بیک وقت تمام مراکز پر ایک ساتھ شروع ہوں گے ۔ دفتر ٹرسٹ سے سوالات و جوابی بیاض جاری ہوں گے ۔ بغیر ہال ٹکٹ کے کسی بھی طالب علم کو امتحان دینے کی اجازت نہیں ہوگی ۔ فارم داخل کرنے کی تاریخ میں توسیع کی جاکر 20جنوری 2019 مقرر کی گئی ہے ۔ عابد علی خاں ایجوکیشنل ٹرسٹ کے مراکز کے ذمہ داروں کو اطلاع دی جاتی ہے کہ وہ فارم خانہ پُری کر کے دفتر پر داخل کردیں ۔ امتحانات تحریری ہوں گے اور انشاء امتحان کیلئے جو دو کتابیں ، جواہر اردو اور سرسری مطالعہ کا ایک پرچہ ہوگا ۔ مراکز کی نمائندگی پر فارم کے داخل کرنے کی تاریخ میں توسیع کی گئی ۔ امتحان کی کوئی فیس نہیں ہے ۔ خانگی امیدواروں کیلئے جن کا کسی تعلیمی مرکز سے تعلق نہیں ہے ، امتحان کا سنٹر محبوب حسین جگر ہال ( سیاست) عابد روڈ قائم کیا گیا ہے ۔ تفصیلات کیلئے 9553556260 ، 040-24744109 (Ext. 225) پر ربط کریں ۔
