مذہبی خبریں

   

ماہانہ اجتماع
حیدرآباد ۔ یکم ۔ اکٹوبر : ( راست ) : جمعیت اہلحدیث حلقہ چندو لعل بارہ دری کے زیر اہتمام دوسرا ماہانہ اجتماع عام بعنوان : ’ اعمال کو برباد کرنے والے جدید ذرائع ‘ 6 اکٹوبر اتوار بعد نماز عشاء تا رات 10 بجے تک منعقد کیا گیا ہے ۔ اس اجلاس کو مولانا عبدالرحیم خرم عمری خطاب کریں گے ۔ خواتین کے لیے پردہ کا انتظام رہے گا ۔۔

تبدیلی غلاف مبارک
حیدرآباد ۔ یکم ۔ اکٹوبر : ( راست ) : حضرت سیدنا بابا شرف الدین قبلہ سہروردیؒ کے مجلس ماہانہ تبدیلی غلاف مبارک 2 صفر بعد نماز عشاء مقرر ہے ۔ نماز عشاء 8-30 بجے شب ہوگی ۔ بعد نماز عشاء تبدیلی غلاف مبارک کی رسم انجام دی جائے گی ۔ بعد تبدیلی غلاف مبارک ختم قرآن و قصیدہ بردہ شریف و سلام بحضور خیر الانام ﷺ میں گذرانا جائے گا ۔۔

عرس شریف
حیدرآباد ۔ یکم ۔ اکٹوبر : ( راست ) : حضرت مولانا سید صدیق دیندار کے مرید مولانا غازی محمد رضا شریف مبلغ اسلام سابقہ نائب امیر دیندار انجمن کا عرس شریف 2 اکٹوبر کو بعد نماز عصر مزار شریف پر غلاف مبارک صندل مالی گل افشانی بعد فاتحہ خوانی سلام بارگاہ حضرت خاتم النبین ﷺ گذرانا جائیگا ۔ بعد نماز مغرب مسجد دیندار انجمن میں مولانا صوفی محمد خواجہ پاشاہ جلسہ برکات اسلام سے مخاطب کریں گے ۔۔

مہتمم مکہ مسجد کی عمرہ کو روانگی
حیدرآباد ۔ یکم ۔ اکٹوبر : ( راست ) : الحاج مولوی سید شاہ منصور علی ہاشمی کے بموجب حیدرآباد کی تاریخی مکہ مسجد کے مہتمم الحاج مولانا سید شاہ عبدالقدیر صدیقی یکم اکٹوبر کو عمرہ کے لیے روانہ ہوئے بعد ادائیگی عمرہ حضور اکرم حضرت خاتم النبین ﷺ کی زیارت کا شرف حاصل کریں گے ۔۔

قرات ، حمد ، نعت و اذاں کی
مفت تربیتی کلاسیس
حیدرآباد ۔ یکم ۔ اکٹوبر : ( راست ) : کلیتہ البنین جامعتہ المومنات مغل پورہ میں 2 اکٹوبر کو بعد نماز عشاء قرات کلام پاک ، حمد ، نعت و اذاں کی مفت تربیتی کلاسیس حافظ محمد صابر پاشاہ قادری لیں گے ۔۔

جلسہ فیضان اولیاء
حیدرآباد ۔ یکم ۔ اکٹوبر : ( راست ) : محبوب الہ حضرت خواجہ محبوب مرزا چشتی ؒ کے عرس شریف کے سلسلے میں بروز جمعرات 3 اکٹوبر کو چراغاں شریف کے دن درگاہ حضرت محبوب گلشن سرور نگر میں بعد نماز مغرب جلسہ فیضان اولیاء مقرر ہے ۔ قاضی سید شاہ اعظم علی صوفی قادری صدر کل ہند جمعیتہ المشائخ مخاطب کریں گے ۔۔

عرس شریف
حیدرآباد ۔ یکم ۔ اکٹوبر : ( راست ) : عرس حضرت خواجہ محبوب مرزا چشتی واقع سرور نگر محبوب گلشن میں یکم اکٹوبر کو مراسم غسل شریف سے آغاز ہوا ۔ 2 اکٹوبر کو صندل شریف فرحت منزل نلہ کنٹہ سے بعد نماز ظہر جناب احمد مظفر الدین برکت پاشاہ متولی و نواسہ برآمد کریں گے ۔۔

ماہانہ مجلس فیضان
حیدرآباد ۔ یکم ۔ اکٹوبر : ( راست ) : ماہانہ مجلس حضرت سید سلطان علی شاہ ؒ واقع درگاہ شریف آغا پورہ میں 2 صفر کو بعد مغرب مقرر ہے ۔ جس میں مغرب تا عشاء مجلس سماع ہوگی ۔ مولانا سید نظام الدین ہارونی سجادہ نشین و متولی نگرانی کریں گے ۔۔

اجتماع آداب مجلس سے
حافظ صابر پاشاہ قادری کا خطاب
حیدرآباد ۔ یکم ۔ اکٹوبر : ( راست ) : چیرمین تلنگانہ تنظیم فروغ لسانیات حافظ محمد صابر پاشاہ قادری نے تنظیم ہذا کے صدر دفتر بنجارہ ہلز روڈ نمبر 12 پر منعقدہ اجتماع بعنوان ’ آداب مجلس ‘ سے خطاب کرتے ہوئے کہا کہ اگر دو شخص مجلس میں پاس پاس بیٹھ کر باتیں کررہے ہوں تو ان دونوں کے بیچ میں جاکر نہیں بیٹھ جانا چاہئے ۔ ہاں البتہ وہ دونوں اپنی خوشی سے تمہیں اپنے درمیان میں بیٹھائیں تو بیٹھنے میں کوئی حرج نہیں ۔ جو تم سے ملاقات کے لیے آئے تو تم خوشی کا اظہار کرتے ہوئے اس کے لیے ذرا اپنی جگہ سے کھسک جاؤ جس سے وہ یہ جانے کہ میری قدر و عزت کی ۔ مجلس میں سردار بن کر مت بیٹھو بلکہ جہاں بھی جگہ ملے بیٹھ جاؤ ۔ گھمنڈ اور غرور اللہ تعالیٰ کو بے حد نا پسند ہے اور تواضع و انکساری اللہ تعالیٰ کو بہت محبوب ہے ۔۔

نعتیہ محفل برائے خواتین و ماہانہ فاتحہ
حیدرآباد ۔ یکم ۔ اکٹوبر : ( راست ) : رہائش گاہ سید ابوالحسن ہاشمی بیابانی تمنا وٹے پلی فاطمہ نگر قریب جامع مسجد محمدیہ 2 صفر بعد نماز عشاء سیدہ اسماء النساء کی قرات کلام پاک سے بزم کا آغاز ہوگا ۔ سیدہ شیما النساء ، سیدہ سلمیٰ النساء ، سیدہ فاطمہ النساء وغیرہ نعت شریف سنائیں گے ۔۔