Wednesday , August 23 2017
Home / عرب دنیا / مسجد نبویؐ میں بن لادن گروپ کے تعمیراتی کام پر امتناع

مسجد نبویؐ میں بن لادن گروپ کے تعمیراتی کام پر امتناع

ریاض ۔ 13 جنوری ۔(سیاست ڈاٹ کام) حکومت سعودی عرب نے ملک کی سب سے بڑی تعمیراتی کمپنی بن لادن گروپ کو مسجد نبوی ؐکے جاری منصوبے جلد از جلد مکمل کرنے کے ساتھ ہدایت کی ہے کہ وہ نئے منصوبوں پر کام شروع نہ کرے۔ ’العربیہ ‘ کے مطابق سعودی عرب کی وزات خزانہ کی جانب سے بن لادن گروپ کو 29 ڈسمبر کو ایک مکتوب ارسال کیا گیا تھا جس میں فرم کو مسجد نبویؐ کے لئے نئے توسیعی منصوبوں پرکام شروع کرنے سے روکنے کا حکم دیا گیا۔ بن لادن گروپ کو تازہ حکم سعودی عرب میں سالانہ بجٹ کی منظوری کے ایک روز بعد جاری کیا گیا۔ مکتوب کی ایک نقل مسجد نبویؐ کے توسیع پروجیکٹ کے مشیر کو بھی ارسال کی گئی ہے۔سعودی ذرائع ابلاغ کے مطابق وزارت خزانہ نے بن لادن گروپ کو مسجد نبویؐ کی توسیع کے جاری پروجیکٹ مکمل کرنے کی اور نئے منصوبوں پر کام شروع نہ کرنے کی ہدایت کی ہے۔خیال رہے کہ اس وقت مسجد نبویؐ کی توسیع کے ضمن میں کئی اسکیموں پر کام جاری ہے جن میں برساتی پانی کی نکاسی، الیکٹرک سسٹم کو محفوظ بنانے، دیواروں کو مضبوط بنانے اورمسجد کے اندرونی اور بیرونی احاطے میں روشنی کا نظام بہتر بنانے کے منصوبے شامل ہیں۔

TOPPOPULARRECENT