Thursday , September 21 2017
Home / سیاسیات / مودی حکومت اپوزیشن سے پاک ہندوستان چاہتی ہے جو ناممکن ہے :شردیادو

مودی حکومت اپوزیشن سے پاک ہندوستان چاہتی ہے جو ناممکن ہے :شردیادو

جئے پور ۔ /14 ستمبر (سیاست ڈاٹ کام) جے ڈی یو کے باغی قائد شردیادو نے آج نریندر مودی حکومت پر تنقید کرتے ہوئے الزام عائد کیا کہ وہ اپوزیشن سے پاک ہندوستان چاہتی ہے جو کبھی نہیں ہوسکتا ۔ انہوں نے یہ تبصرہ تیسری سانجھی وراثت بچاؤ تیسرے کنونشن سے خطاب کرتے ہوئے کیا ۔ یہ پلیٹ فارم انہوں نے قائم کیا ہے تاکہ بی جے پی مخالف طاقتوں کو متحد کیا جائے جبکہ جے ڈی یو قائد نتیش کمار نے این ڈی اے میں شمولیت کا اعلان کیا ۔ جلسہ میں اپوزیشن پارٹیوں کے قائدین بشمول سی پی آئی ایم کے سیتا رام یچوری ، کانگریس کے آنند شرما اور سچن پائیلٹ ، ترنمول کانگریس سکھیندو رائے اور آر ایل ڈی کے جینت چودھری شریک تھے ۔ راجستھان اسمبلی کے قائد اپوزیشن رامیشور ڈوڈی راجیہ سبھا ایم پی علی انور انصاری جنہیں جے ڈی یو نے گزشتہ ماہ معطل کردیا ہے اور نیشنل کانفرنس قائد سرجیت سنگھ نے بھی اجلاس میں شرکت کی ۔

TOPPOPULARRECENT