Friday , September 22 2017
Home / Top Stories / مودی نے میانمار میں بہادر شاہ ظفر کی مزار پر حاضری دی اور گلہائے عقید ت بھی پیش کیا۔

مودی نے میانمار میں بہادر شاہ ظفر کی مزار پر حاضری دی اور گلہائے عقید ت بھی پیش کیا۔

یانگون۔وزیراعظم نریندر مودی نے جمعرات کے روز آخری مغل حکمران بہادر شاہ ظفر کی مزار پر حاضری دی اور کالی مندر میں بھی پوجا کی ‘ نریندر مودی میانمار کے تین روز ہ دورے پر ہیں اور جمعرات کے روز ان سرگرمیوں کو انجام دینے کے بعد وطن واپس لوٹ گئے۔

بعدازاں وزیراعظم مودی نے جولائی1947کی جنگ آزادی کے دوران مارے گئے شہیدوں کو بھی شردھانجلی پیش کرنے کے لئے شہیدوں کے میوزیم پہنچے جو اون سان کے نام سے موسوم ہے ‘ جو ریاست کی موجودہ کونسلر اور نوبل انعام یافتہ اونگ سان سوکی کے والد تھے۔

خصوصی طور پر مذکورہ میوزیم میں ایک تقریب کا بھی انعقاد عمل میں لایاگیاتھا جس میں سوکی ‘ نے پی ٹاو نے بھی شرکت کی۔ یہ سوکی کے والد کی آخری قیام گاہ تھا جہاں پر انگ سان سوکی پرورش پائی ۔

وزیر اعظم نریند رمودی نے شری کالی مندر میں پوجا کی جس کو 1871میں ٹامل کے لوگوں نے تعمیر کیاتھا جب یہا ں پر انگریزوں کی حکومت تھی اور یہ برٹش انڈیا کا ہی حصہ تھا۔ وزیراعظم نریندر مودی کے دورے کے آخری حصہ میں انہوں نے مغل حکمران بہادر شاہ ظفر کی مزار پر پہنچ کر گلہائے عقید ت بھی پیش کی اور اس کے بعد ہندوستان واپس لوٹ گئے۔

ایک روز قبل مودی نے سوکی کے ساتھ گیارہ معاہدہ پر دستخط کی۔

TOPPOPULARRECENT