Thursday , August 24 2017
Home / عرب دنیا / مکہ مکرمہ میں افطار و سحر کیلئے غذائی تقسیم کا منصوبہ

مکہ مکرمہ میں افطار و سحر کیلئے غذائی تقسیم کا منصوبہ

مکۃ المکرمہ۔ 28 مئی ۔(سیاست ڈاٹ کام) مکہ مکرمہ کی مقامی حکومت نے پیش آئند ماہ صیام کے دوران روزہ داروں کی سحری اور افطاری کیلئے تیار کردہ خشک خوراک پر مشتمل 50 لاکھ پیکٹ تقسیم کرنے کا اعلان کیا ہے۔’العربیہ‘ کے مطابق مکہ معظمہ کے گورنر اور خادم الحرمین الشریفین کے مشیر شہزادہ خالد الفیصل کی موجود گی میں کمیٹی برائے آب رسانی و ردفادہ اور محکمہ تعلیم کے درمیان باہمی تعاون کے ایک معاہدے پر دستخط کئے گئے جس کے تحت محکمہ تعلیم ماہ صیام کے ایام میں راشن کی تقسیم کے لیے 250 اساتذہ اور اسکاؤٹس کے طلباء کی خدمات فراہم کرے گا۔ معاہدے پر فراہمی آب کمیٹی کے چیئرمین ڈاکٹر ھشام الفالح اور محکمہ تعلیم کے ڈائریکٹر جنرل برائے مکہ محمد بن مہدی الحارثی نے دستخط کیے۔ڈاکٹر الفالح نے بتایا کہ مکہ گورنری نے ماہ صیام میں پانچ ملین سے زاید خوراک کے پیکٹ مفت تقسیم کرنے کا پلان تیار کیا ہے۔ راشن میں افطاری کا خشک سامان شامل ہوگا جب کہ مسجد حرام اور دیگر مساجد میں گرم اور تازہ خوراک بھی تقسیم کی جائے گی۔ حکومت کی طرف سے تیار کردہ خشک راشن مکہ کی مختلف کالونیوں، رمضان کیمپوں، بس اسٹیشنوں، مکہ معظمہ میں قائم چیک پوسٹوں، ایمرجنسی سروزسز کے مراکز، اسپتالوں، شاہ عبدالعزیز ہوائی اڈے اور جدہ بندرگاہ پر موجود روزہ داروں میں تقسیم کیا جائے گا۔

TOPPOPULARRECENT