Tuesday , August 22 2017
Home / ہندوستان / نو ٹ کی منسوخی کا انتخابی فائدہ کانگریس کو ملے گا:سرجے والا

نو ٹ کی منسوخی کا انتخابی فائدہ کانگریس کو ملے گا:سرجے والا

نئی دہلی، 4 جنوری (سیاست ڈاٹ کام) کانگریس نے پانچ ریاستوں کے لئے پولنگ پروگرام کے اعلان کا خیر مقدم کرتے ہوئے آج کہا کہ اتر پردیش سمیت ان تمام ریاستوں میں ہونے والے اسمبلی انتخابات میں نوٹ کی منسوخی کے فیصلے کا براہ راست فائدہ کانگریس کو ملے گا۔اتر پردیش، اتراکھنڈ، پنجاب، گوا اور منی پور میں الیکشن کمیشن کی طرف سے انتخابات تاریخ طے کرنے کے اعلان کے بعد کانگریس کے مواصلاتی محکمہ کے سربراہ رندیپ سنگھ سرجے والا نے ایک ٹی وی چینل سے کہا کہ نوٹ کی منسوخی کے بعد پہلی بار ہونے والے ان انتخابات میں کانگریس کو براہ راست فائدہ ہوگا اور اتر پردیش میں 27 سال بعد پارٹی کو اچھی کارکردگی اور باقی چار ریاستوں میں اس کے پرچم لہرانے کا موقع ملے گا۔انہوں نے کہا کہ تمام ریاستوں میں کانگریس اپنے دم پر اسمبلی انتخابات لڑے گی اور کسی بھی پارٹی کے ساتھ اتحاد نہیں کرے گی۔ جلد ہی کانگریس کے نائب صدر راہل گاندھی کا یوپی اور دیگر ریاستوں کے لئے انتخابی پروگرام طے کیا جائے گا۔

TOPPOPULARRECENT