Tuesday , August 22 2017
Home / ہندوستان / وجئے مالیا کی 6 ہزار کروڑ روپئے سے زائد کی جائیداد قرق

وجئے مالیا کی 6 ہزار کروڑ روپئے سے زائد کی جائیداد قرق

نئی دہلی، 3 ستمبر (سیاست ڈاٹ کام) انفورسمنٹ ڈائریکٹوریٹ (ای ڈی) نے صنعتکار وجے مالیا کے خلاف اب تک کی سب سے بڑی کارروائی کرتے ہوئے منی لانڈرنگ ، بینک قرض اور دھوکہ دہی معاملات کی تحقیقات کے سلسلے میں ان کی 6 ہزار کروڑ قیمت کے شئیر اور جائیداد قرق کر لی ہے ۔ ان کا تخمینہ 2010 کی مارکیٹ قیمتوں پر لگایا گیا ہے ۔ اس جائداد کی موجودہ مارکیٹ قیمت 6600 کروڑ روپے ہے ۔سرکاری ذرائع کے مطابق مالیا کی ان جائدادوں میں مہاراشٹر میں واقع ان کا 200 کروڑ روپے کا فارم ہاؤس، بنگلور میں 800 کروڑ کا ایک اپارٹمنٹ اور شاپنگ مال اور یونائیٹڈ بریورریج لمیٹڈ اور یونائیٹڈ اسپیریٹس لمیٹڈ میں ان کے 300 کروڑ روپے کے شیئر بھی شامل ہیں۔ای ڈی نے یہ کارروائی منی لانڈرنگ قانون (پي ایم ایل اے ) کی تحقیقات کرنے والی خصوصی عدالت کے حکم پر کی ہے ۔ مالیا کو عدالت کے سامنے پیش ہونے کے لئے سمن جاری کیا گیا تھا، لیکن وہ پیش نہیں ہوئے ۔جس کے بعد یہ کارروائی کی گئی۔ای ڈی نے ملک بھر میں مالیا اور ان کے خاندان کے ارکان کے کچھ گروی رکھے حصص اورمنقولہ اور غیر منقولہ اثاثوں کی شناخت کافی پہلے ہی شروع کر دی تھی۔ ای ڈی کی جانب سے مالیا کی جائداد قرق کئے جانے کا یہ دوسرا موقع ہے ۔

TOPPOPULARRECENT