Monday , May 29 2017
Home / ہندوستان / ٹرین سے شراب برآمد، تین کوچ اٹینڈنٹ گرفتار

ٹرین سے شراب برآمد، تین کوچ اٹینڈنٹ گرفتار

سمستی پور، 3اپریل (سیاست ڈاٹ کام) بہار میں مشرقی وسطی ریلوے کے سمستی پور اسٹیشن پر ایک ٹرین سے غیر ملکی شراب کے ساتھ تین کوچ اٹینڈنٹ کو پولیس نے گرفتار کیا ہے۔ ریلوے پولیس ذرائع نے آج یہاں بتایا کہ خفیہ اطلاع ملنے پر نئی دہلی سے دربھنگہ جارہی 12562 ڈاؤن سوتنترتا سینانی ایکسپریس ٹرین کے ایئر کنڈیشنڈ تین ڈبوں میں کل دیر رات ریلوے پولیس نے چھاپہ مار کر بیڈ رول میں چھپا کر رکھی گئی غیر ملکی شراب کی 103 بوتلیں برآمد کیں ۔ پولیس نے اس دوران تینوں ڈبوں کے کوچ اٹینڈنٹ کو گرفتار کر لیا ہے۔ ذرائع نے بتایا کہ گرفتار لوگوں میں ضلع کے شہر تھانہ علاقہ کے مگردھي گاؤں کے سنتوش کمار، وارث نگر تھانہ علاقہ کے کشن پور گاؤں کے لکشمن پاسوان اور چکمیسي تھانہ علاقہ کے شیونگر کا رہنے والا بھولا پاسوان شامل ہیں ۔ پولیس کے مطابق کافی دنوں سے تینوں کوچ اٹینڈنٹ دیگر ریاستوں سے غیر ملکی شراب لا کر فروخت کرتے تھے ۔

Leave a Reply

TOPPOPULARRECENT