Saturday , August 19 2017
Home / شہر کی خبریں / پارٹی کو مضبوط بنانے کے لیے ہر کارکن کو محنت کرنے کی ضرورت

پارٹی کو مضبوط بنانے کے لیے ہر کارکن کو محنت کرنے کی ضرورت

بی وینوگوپال تلگو دیشم جنرل سکریٹری کا خطاب
شمس آباد ۔ یکم ۔ نومبر : ( سیاست نیوز ) : شمس آباد میں تلگو دیشم پارٹی کا اجلاس منعقد کیا گیا جس میں بی وینو گوپال تلگو دیشم جنرل سکریٹری نے تلگو دیشم ممبر شپ کا آغاز کیا ۔ اور اپنی مخاطبت میں کہا کہ آج سے دونوں ریاستوں میں ممبر شپ کا آغاز ہورہا ہے ۔ ممبر شپ حاصل کرنے والے تمام افراد کو آئی کارڈ کے ساتھ دو لاکھ کا بیمہ بھی دیا جارہا ہے ۔ ملک کی پہلی پارٹی تلگو دیشم ہے جو تمام مذاہب کی ترقی کے لیے کام کررہی ہے ۔ آندھرا پردیش میں بجٹ کم ہونے کے باوجود چندرا بابو نائیڈو نے ریاست کو پہلا مقام دلوایا ۔ تلنگانہ میں آج جو بھی ترقی ہوئی ہے وہ سب تلگو دیشم کے دور میں ہوئی ۔ ہائی ٹیک سٹی ، شمس آباد انٹرنیشنل ایرپورٹ ، آوٹر رنگ روڈ وغیرہ تمام تلگو دیشم کے دور میں ہی ہوئے ہیں ۔ تلگو دیشم این ٹی آر ٹرسٹ بھون میں ممبر شپ کا آغاز کیا اور پارٹی کے ہر رکن کو پارٹی مضبوط بنانے کے لیے محنت ضروری ہے ۔ اگر ہم اب سے ہی محنت کریں گے تو 2019 انتخابات تک پارٹی کافی مضبوط ہوجائے گی ۔ ریاستی اور مرکزی حکومت تلگو دیشم کو بدنام اور نقصان پہنچانے کی ہر ممکن کوشش کررہی ہے ۔ لیکن اس میں وہ ناکام ہورہے ہیں ۔ وینوگوپال نے ٹی آر ایس پر تنقید کرتے ہوئے کہا کہ حکومت صرف وعدے کرتے ہوئے عوام کو دھوکہ دے دہی ہے ۔ کے جی تا پی جی مفت تعلیم ، ڈبل بیڈ روم ، غریب کسانوں کو تین ایکڑ اراضی ، ہر گھر میں پانی کا کنکشن سب وعدے جھوٹے ثابت ہوئے ۔ 2019 انتخابات میں راجندر نگر حلقہ سے صرف تلگو دیشم پارٹی ہی کامیاب ہوگی ۔ ممبر شپ کا آغاز آج سے شروع کیا گیا جس کے لیے کمار یادو کو منڈل کنوینر اور ہنمنت مدیراج کو ٹاون کنوینر کی حیثیت سے منتخب کیا گیا ۔ اس اجلاس میں گنیش گپتا تلگو دیشم آرگنائزنگ سکریٹری ، اجئے ، ایوب حسین ، گرام پنچایت ممبرس ، گیانیشور یادو ایم پی ٹی سی ممبر ، سدھاکر گوڑ ، کمار یادو ، ہنمنت مدیراج ، سبھاش گوڑ ، سدولو کے علاوہ پارٹی کارکن موجود تھے ۔۔

TOPPOPULARRECENT