Wednesday , August 23 2017

پانی

پانی سے زندگی ہے
دنیا ہری بھری ہے
پانی سے سب ہیں زندہ
انساں ہو یا پرندہ
چوپائے ہوں کہ مچھلی
پانی ہے جان سب کی
سب کو ہے پیاس لگتی
سب کو ضروری پانی
پانی سے ہوتی کھیتی
گیہوں چنا جو دیتی
پانی سے ساگ بھاجی
پانی سے پھول پھل بھی
پانی سے تندرستی
پانی سے دور سستی
پانی اگر ہو گندا
پینا نہ غسل کرنا
دریا سے پانی ملتا
کرنا نہ اس کو گندا
ندی کو صاف رکھنا
پانی کو صاف رکھنا

TOPPOPULARRECENT