Tuesday , August 22 2017
Home / اضلاع کی خبریں / پیدی ریڈی گوڑم موضع میں قتل کا سنسنی خیز واقعہ

پیدی ریڈی گوڑم موضع میں قتل کا سنسنی خیز واقعہ

بھونگیر۔/3اپریل، ( سیاست ڈسٹرکٹ نیوز) ضلع نلگنڈہ کے یادگیرگٹہ منڈل کے داتر پلی علاقہ کے پیدی ریڈی گوڑم موضع میں ایک شخص کے سنسنی خیز بہیمانہ قتل سے موضع کی عوام میں سراسیمگی پھیل گئی۔ واقعات کے بموجب65 سالہ سادونینی کملا منوہر راؤ عرف کملاکر راؤ منگل کی صبح کسی کام سے بائیک پر نکلے، کچھ دیر بعد گچوکنٹہ کے قریب خون میں لت پت ان کی نعش ملی۔ سمجھا جاتا ہے کہ کلہاڑیوں سے وارکرتے ہوئے ان کا بہیمانہ قتل کیا گیا۔ مقامی عوام و رشتہ داروں کے مطابق مقتول کملاکر راؤ قدیم یادگیر گٹہ مندر کے نہ صرف ذمہ دار بلکہ غیر متنازعہ و عوام میں کافی مقبول تھے۔ ان کے بہیمانہ قتل سے موضع کے عوام میں دہشت طاری ہے بلکہ قتل پر بھی اسرار کے پردے پڑے ہوئے ہیں۔ یادگیر گٹہ سی آئی رگھویر ریڈی، ایس آئی راج شیکھر ریڈی نے بھاری پولیس جمعیت کے بشمول کلوز ٹیم، ڈاگ اسکواڈ کے ہمراہ مقام واردات پر اپنی تحقیقاتی کارروائی انجام دی۔ نعش کا ایریا ہاسپٹل بھونگیر میں پوسٹ مارٹم کیا گیا۔ آلیر ایم ایل اے جی سنیتا مہیندرا ریڈی، کانگریس منڈل صدر بیرلا آئیلیا اور سرپنچ کے آئیلیا و دیگر سرکردہ سیاسی و عوامی قائدین نے اظہار تعزیت کیا۔

ورنگل میں کیریئر گائیڈنس پروگرام
ایم اے حمید کا کیریئر لکچر اور کونسلنگ
حیدرآباد۔/13اپریل، ( سیاست نیوز) آرٹس اینڈ سائنس کالج پلاٹینم جوبلی آڈیٹوریم صوبیداری ہنمکنڈہ میں ہفتہ 16اپریل صبح 11بجے کیریئر گائیڈنس پروگرام مقرر ہے۔ جناب الطاف حسین رجسٹرار کاکتیہ یونیورسٹی مہمان خصوصی ہوں گے۔ صدارت جناب انیس صدیقی کریں گے۔ حیدرآباد سے کیریئر کونسلر جناب ایم اے حمید شرکت کریں گے اور کیریئر لکچر دیں گے۔ نیٹ امیدواروں کیلئے کلیم صدیقی جمیل اور محمد محبوب معلومات فراہم کریں گے۔ ایس ایس سی ، انٹر، ڈگری اور ٹیٹ امیدوار وقت پر شریک ہوکر استفادہ کریں اور شخصی کونسلنگ میں اپنے شکوک دور کریں۔

TOPPOPULARRECENT