Monday , September 25 2017
Home / شہر کی خبریں / چاند نظر نہیں آیا

چاند نظر نہیں آیا

مرکزی رویت ہلال کمیٹی کا اعلان
حیدرآباد۔14ستمبر ( راست)  مرکزی رویت ہلال کمیٹی صدر مجلس علماء دکن کا ماہانہ اجلاس بضمن رویت ہلال ماہ ذوالحجہ الحرام 1436ھ  زیرنگرانی حضرت مولانا سید محمد قبول بادشاہ قادری الشطاری معتمد صدر مجلس علماء دکن آج شام حسینی بلڈنگ معظم جاہی مارکٹ میں منعقدہ ہوا ۔ شہر میںچاند نظر نہیں آیا ۔ گلبرگہ شریف ‘ ورنگل ‘ کڑپہ ‘ پٹنہ ‘ دہلی ‘ مدراس‘ بنگلور ‘کلکتہ ‘ جھارکھنڈ ‘ بہار ‘ آسام ‘کرنول ‘ناگپور ‘ نیلور ‘ ناندیڑ میں کہیں مطلع ابرآلود اور کہیں بارش ہونے کی اطلاعات ملیں ۔ کہیں بھی چاند نظر نہیں آیا لہذا تحت احکام شرعیہ مرکزی رویت ہلال کمیٹی صدر مجلس علماء دکن اعلان کرتی ہے کہ بتاریخ 15ستمبر 2015 بروز منگل 30 ذیقعدہ الحرام 1436ھ  ہوگی ۔ اس اجلاس میں حضرت مولانا سید محمد قبول بادشاہ قادری الشطاری ‘ حضرت مولانا مفتی محمد عظیم الدین ‘ حضرت مولانا مفتی خلیل احمد ‘ حضرت مولانا شاہ سید کاظم بادشاہ قادری الموسوی ‘ حضرت مولانا سید حسن ابراہیم حسینی سجاد بادشاہ قادری ‘ حضرت مولانا سید حامد محمد افتخار بادشاہ قادری ‘ حضرت مولانا سید اولیاء حسینی مرتضیٰ بادشاہ قادری نے شرکت کی ۔
شیعہ علماء کی توثیق
حیدرآباد ۔14ستمبر ( پریس نوٹ ) جناب علی اصغر جعفری نے اطلاع دی ہے کہ شیعہ مجلس علماء و ذاکرین نے اعلان کیا ہے کہ ہندوستان کے کسی حصہ سے چاند نظر آنے کی اطلاع نہیں ملی ‘ اس لئے تحت احکام شرع  اعلان کیا جاتا ہے کہ کل سہ شنبہ کو 30 ذیعقدہ اور چہارشنبہ کو یکم ذی الحجہ ہوگی ۔ 25ستمبر جمعہ کو عیدالاضحیٰ ہوگی اس کی تصدیق مولانا سید رضا آقا ‘ مولانا سید نبی حسن زیدی‘ مولانا سید ابراہیم جزائری ‘ مولانا سید علی نقی نجفی ‘ مولانا علی حیدر فرشتہ ‘ مولانا رضا عباس خان ‘ ڈاکٹر مولانا سید نثار حسین حیدر آقا اور مولانا سید جلال حیدر نے کی ہے ۔

TOPPOPULARRECENT