Friday , September 22 2017
Home / شہر کی خبریں / کانگریس کو ایک اور جھٹکا لگنے والا ہے

کانگریس کو ایک اور جھٹکا لگنے والا ہے

ایم ایل اے کومٹ ریڈی وینکٹ ریڈی کی ٹی آر ایس میں شمولیت کا امکان
حیدرآباد ۔ یکم ۔ جون : ( سیاست نیوز ) : کانگریس کو ایک اور جھٹکا لگنے والا ہے پارٹی کے ایک اور رکن اسمبلی پارٹی چھوڑ کر برسر اقتدار ٹی آر ایس میں شامل ہونے والے ہیں ۔ نلگنڈہ کے رکن اسمبلی اور سینئیر لیڈر کومٹ ریڈی وینکٹ ریڈی امکان ہے کہ جون کے پہلے ہفتہ میں ٹی آر ایس میں شامل ہوجائیں گے ۔ وہ ٹی آر ایس قیادت سے رابطے میں ہیں ۔ کومٹ ریڈی وینکٹ ریڈی 2 جون کو پریڈ گراونڈ میں منعقد ہونے والی تاسیس تلنگانہ تقریب میں شرکت کریں گے ۔ ان کی 5 جون کو چیف منسٹر کے چندر شیکھر راؤ سے ملاقات طے ہے ۔ 10 جون سے قبل وہ ٹی آر ایس میں شامل ہوجائیں گے ۔ ان کے کئی حامی بھی ان کے ساتھ ٹی آر ایس میں شمولیت اختیار کریں گے ۔ ذرائع نے یہ اطلاع دی ہے ۔ یہ قیاس آرائی بھی زوروں پر ہے کہ وینکٹ ریڈی کے بھائی راجگوپال ریڈی بھی اپنے بھائی کے نقش قدم پر چلیں گے ۔۔

TOPPOPULARRECENT