Monday , August 21 2017
Home / Top Stories / کوہلی کی جارحانہ اننگز ، ہندوستان سیمی فائنل میں داخل

کوہلی کی جارحانہ اننگز ، ہندوستان سیمی فائنل میں داخل

India's Virat Kohli celebrates after victory in the World T20 cricket tournament match between India and Australia at The Punjab Cricket Stadium Association Stadium in Mohali on March 27, 2016. / AFP / MONEY SHARMA (Photo credit should read MONEY SHARMA/AFP/Getty Images)

موہالی ۔ /27 مارچ (سیاست ڈاٹ کام) ٹائیٹل کیلئے پسندیدہ ہندوستان آج رات آسٹریلیا کو 6 وکٹس سے سنسنی خیز شکست دے کر ورلڈ ٹی 20 کرکٹ ٹورنمنٹ کے سیمی فائنل میں پہونچ گیا ہے ۔ مین آف دی میچ ویراٹ کوہلی نے جارحانہ اننگ کھیلی اور آخری 4 اوور میں میچ کا رخ بدل دیا ۔ انہوں نے 9 چوکوں اور 2 چھکوں کی مدد سے 51 گیندوں میں 82 ناٹ آؤٹ رنز بنائے ۔ آسٹریلیا کو 160/6 پر محدود کرنے کے بعد ہندوستان نے کامیابی کیلئے درکار نشانہ 19.1 اوورس میں پورا کرلیا ۔ کپتان دھونی (18ناٹ آوٹ) نے وننگ شاٹ لگائی ۔ ان کے علاوہ یوراج سنگھ نے 21 رنز بنائے اور مجموعی طور پر ہندوستان نے 161/4 کے ذریعہ میچ جیت لیا۔ اس سے پہلے فنچ 43 ، میکس ویل 31 اور خواجہ 26 کی بدولت آسٹریلیا نے مقررہ 20 اوورس میں 160 رنز بنائے تھے ۔ ہندوستان کی شروعات ناقص رہی اور اسے آخری 3 اوورس میں 39 رنز بنانے تھے ۔ کوہلی نے جارحانہ اننگز کھیلتے ہوئے کامیابی کو یقینی بنایا ۔ اب ہندوستان کا مقابلہ دوسرے سیمی فائنل میں /31 مارچ (ممبئی) کو ویسٹ انڈیز سے ہوگا ۔ اس کے علاوہ نیوزی لینڈ کا مقابلہ /30 مارچ (نئی دہلی) کو پہلے سیمی فائنل میں انگلینڈ سے ہوگا ۔

TOPPOPULARRECENT