Friday , October 20 2017
Home / اضلاع کی خبریں / کیرا میری میں گرمی کا قہر،44ڈگری درجہ حرارت

کیرا میری میں گرمی کا قہر،44ڈگری درجہ حرارت

کیرا میری۔/13اپریل، ( سیاست ڈسٹرکٹ نیوز) گزشتہ ایک ماہ سے کیرا میری میں دھوپ اپنا قہر برسا رہی ہے۔ تفصیلات کے بموجب ایک ماہ قبل تک تو یہاں کا درجہ حرارت حسب معمول تھا لیکن اس کے بعد روزانہ درجہ حرارت میں اضافہ ہوتا جارہا ہے۔ آج کا درجہ حرارت 44ڈگری تک پہونچ گیا ہے جس کی وجہ سے یہاں کی سڑکیں اور بازار دن کے اوقات میں مکمل سنسان نظر آرہے ہیں۔ صرف صبح دس بجے سے قبل اور شام 6بجے کے بعد سے ہی یہاں کی سڑکیں اور بازاروں میں چہل پہل نظر آرہی ہے۔

بھینسہ میں خاتون کی خود سوزی
بھینسہ۔/13اپریل، ( سیاست ڈسٹرکٹ نیوز) بھینسہ ڈیویژن لوکیشورم منڈل کے موضع پیری کی ایک خاتون نے خود کو آگ لگاکر خودکشی کرلی۔ تفصیلات کے بموجب لوکیشورم منڈل کے موضع پیر کی متوطن ٹی لکشمی عمر 30سال کا شوہر شیوراج جو گزشتہ ایک سال سے دوسرے وطن میں ملازمت کی غرض سے مقیم تھا اور تقریباً 20دن قبل چھٹی پر بیوی اور بچوں سے ملنے آیا اور آئندہ ملازمت کیلئے اسی وطن تین یا چار دن میں جانے کی تیاریوں میں مصروف تھا، اس اثناء میں اس کی بیوی لکشمی نے اپنے شوہر کو وطن سے باہر نہ جانے کیلئے اصرار کیا جس پر دونوں میں بحث و تکرار ہوئی ………  خود سوزی کرلی۔  شوہر کے دونوں ہاتھ اور پیر آگ سے متاثر ہوگئے۔ ان دونوں کو بذریعہ ایمبولنس 108 علاج کیلئے بھینسہ گورنمنٹ ایریا ہاسپٹل منتقل کیا جہاں ڈاکٹروں نے طبی امداد فراہم کرتے ہوئے لکشمی کو صد فیصد جلا ہوا قرار دے کر نظام آباد علاج کیلئے منتقل کردیا۔ لیکن یہ راستے میںہی فوت ہوگئی۔ نعش کا پوسٹ مارٹم بھینسہ گورنمنٹ ایریا ہاسپٹل میں کیا گیا اور اس ضمن میں لوکیشورم اسسٹنٹ سب انسپکٹر دیانند نے ایک مقدمہ درج کرتے ہوئے تحقیقات کا آغاز کردیا اور کہا کہ شیوراج زیر علاج ہے اور اس کی حالت بہتر ہے۔

TOPPOPULARRECENT