Wednesday , October 18 2017
Home / Top Stories / کیلیفورنیا آگ میں محبت کرنے والا معمر جوڑا فوت

کیلیفورنیا آگ میں محبت کرنے والا معمر جوڑا فوت

ناپا۔ 11 اکتوبر (سیاست ڈاٹ کام) کیلیفورنیا میں لگی جنگل کی آگ نے یوں تو سینکڑوں ایکڑ پر پھیلے جنگلوں کو خاکستر کردیا لیکن کچھ مکانات بھی آگ کی زد میں آئے جن میں ایک مائیک رپی کا بھی تھا۔ جہاں سوائے ایسی اشیاء جو دھات کی بنی ہوئی تھیں، دوسری کوئی چیز سلامت نہ رہ سکی۔ یہاں تک کہ اس کے 100 سالہ والد اور 98 سالہ والدہ بھی آگ میں جھلس کر ہلاک ہوگئے۔ اس نے کہا کہ اس کے والد چارلس اور والدہ سارہ میں بے حد محبت تھی اور اسے یقین ہے کہ اس کے والد نے دوسرے کمرے میں موجود اپنی بیوی (میری ماں) کو بچانے کی کوشش ضرور کی ہوگی۔ یہی بات میں اپنی والدہ کے بارے میں کہہ سکتا ہوں تاہم دھویں اور شعلوں میں گھرنے کے بعد یہ معمر جوڑا زندہ نہیں بچ سکا۔ مائیک رپی نے کہا کہ آگ چاہے جتنی بھی بھیانک ہوگی، میرے والد، میری والدہ کو چھوڑ کر ہرگز باہر نہیں آتے۔ مائیک رپی کی عمر بھی 71 سال ہے۔ اس نے کہا کہ ہوسکتا ہے کہ میرے والد کے مرنے کے بعد والدہ بچ جاتیں لیکن وہ اکیلے خوش نہیں رہ پاتیں اور اس کے برعکس بھی یہی ہوتا۔ شاید قدرت نے ان دونوں کی باہمی رفاقت کو دیکھتے ہوئے دونوں کو ایک ساتھ اپنے پاس بلا لیا۔ دونوں کی شادی کو 75 سال کا عرصہ گزر چکا ہے۔

جنگل کی آگ سے متاثرہ افراد کیلئے ٹرمپ کا امداد کا وعدہ
واشنگٹن۔ 11 اکتوبر (سیاست ڈاٹ کام) امریکی صدر ڈونالڈ ٹرمپ نے آج کیلیفورنیا میں لگی زبردست جنگل کی آگ سے متاثرین کی ہر ممکنہ مدد کرنے کا عزم کیا ہے۔ انہوں نے کہا کہ اس سلسلے میں انہوں نے کیلیفورنیا کے گورنر جیری براؤن سے گزشتہ شب بات چیت کی ہے اور انہیں یہ طمانیت دی ہے کہ وہ اس ناگہانی اور المناک صورت حال سے واقفیت حاصل کررہے ہیں اور متاثرہ افراد کی ہر ممکنہ مدد کی جائے گا۔ اس آفت ناگہانی میں وہ خود کو اکیلا نہ سمجھیں۔ یاد رہے کہ جنگل کی آگ میں کم و بیش 17 افراد ہلاک ہوگئے جبکہ 2,000 مکاناتت تجارتی ادارے اور دیگر عمارتیں جل کر خاکستر ہوگئیں۔ ٹرمپ نے کہا کہ جو لوگ اس سانحہ میں زخمی ہوئے ہیں وہ ان کی عاجلانہ صحت یابی کیلئے دعاگو ہیں۔ یہی نہیں بلکہ لاس ویگاس فائرنگ اور طوفان ہاروی، ارما اور ماریا سے متاثرہ افراد کیلئے بھی وہ دعا کررہے ہیں۔ غم کی اس گھڑی میں ہم انہیں فراموش نہیں کرسکتے۔

TOPPOPULARRECENT