Tuesday , September 26 2017
Home / Top Stories / ہریانہ پولیس: فریدآباد بے رحمی کے ساتھ مارپیٹ اورقتل واقعہ کے خاطیوں کا پتہ بتانے والوں کو دولاکھ روپ انعام کااعلان

ہریانہ پولیس: فریدآباد بے رحمی کے ساتھ مارپیٹ اورقتل واقعہ کے خاطیوں کا پتہ بتانے والوں کو دولاکھ روپ انعام کااعلان

فریدآباد:جنید کے قاتلوں کا پتہ بتانے والوں کو ہریانہ پولیس نے جو ایک لاکھ روپئے کا اعلان کیاتھا اس میں اب اضافہ کرتے ہوئے رقم کو دولاکھ روپئے تک کردی گئی ہے۔ ماتھرا مسافر ٹرین میں سفر کررہے 15سالہ حافظ جنید کو مذہبی تعصب کی بناء ہجوم نے بے رحمی کے ساتھ پیٹ کر قتل کردیاتھا۔انڈین ایکسپریس کے مطابق مذکورہ انعام کی رقم ان لوگوں کو دی جائے گی جو خاطیوں کی پہچان کے لئے اگئے ائیں گے۔

ہریانہ پولیس کے ترجمان نے بتایاکہ وہ ہریانہ پولیس چیف ‘ فرید آباد ریلوے ایڈیشنل ڈپٹی چیف ‘ اور فرید آباد جی آر پی اسٹیشن ہاوز سے رجوع ہوسکتے ہیں۔ترجمان نے یہ بھی بھروسہ دلایا کے خاطیوں پہچان بتانے والے کا نام پوشید ہ رکھا جائے گا۔ اس کیس میں پولیس نے اب تک پانچ لوگوں کی گرفتاری عمل میں لائی ہے۔جون 22کو بلب گڑہ کے قریب حافظ جنید اور ان کے بھائیوں پر مبینہ حملہ کیاگیا ۔

مذکورہ افراد عید کی خریدی کے بعد اپنے گھر واپس لوٹ رہے تھے جب ہجوم نے انہیں بے تحاشہ زدکوب کیا۔ جنید زخموں سے جانبر نہ ہوسکے وہیں ان کے بھائی محفوظ رہے۔

ہجوم کے ہاتھوں ہلاک ہونے والوں کے ساتھ انصاف کا مطالبہ کرتے ہوئے قومی سطح پر سماجی کارکنوں نے ’’ناٹ ان مائی نیم‘‘ کے عنوان پر احتجاجی مظاہرے شروع کردئے۔مذکورہ خاموش احتجاج فیس بک کے ذریعہ شروع ہوا جس کی گڑ گاؤں کی فلم میکر صبا ء دیوان نے شروعات کی ہے۔

TOPPOPULARRECENT