Monday , October 23 2017
Home / شہر کی خبریں / ہماری منزل خصوصی شمارہ کی آج جناب زاہد علی خاں کے ہاتھوں رسم اجراء

ہماری منزل خصوصی شمارہ کی آج جناب زاہد علی خاں کے ہاتھوں رسم اجراء

سالار جنگ میوزیم میں تقریب و مشاعرہ ، مختلف شخصیتیں مدعو
حیدرآباد ۔ 29 ۔ جولائی : ( پریس نوٹ) : ہماری منزل کی اشاعت کے پچاس سال کی تکمیل پر 30 جولائی کو 11 بجے دن سالار جنگ میوزیم ، گولڈن جوبلی تقریب منعقد ہوگی ۔ مجلس صدارت میں حافظ پیر شبیر احمد صدر جمعیتہ العلماء تلنگانہ و آندھرا اسٹیٹ اور جناب عابد رسول خاں چیرمین اسٹیٹ ماینارٹیز کمیشن ، ریاست تلنگانہ و آندھرا شامل ہیں ۔ ایڈیٹر روزنامہ سیاست جناب زاہد علی خاں کے ہاتھوں ’ ہماری منزل ‘ کے خصوصی شمارے گولڈن جوبلی نمبر کی رونمائی عمل میں آئے گی ۔ بحیثیت مہمان خصوصی جناب جلال الدین اکبر ڈائرکٹر محکمہ اقلیتی بہبود اور بحیثیت مہمانان خصوصی و مقررین پروفیسر میر تراب علی ، ڈاکٹر نسیم الدین فریس ، ڈاکٹر جنید ذاکر ، اظہار خیال کریں گے ۔ جناب عارف الدین احمد خیر مقدمی اور جناب شفیع اقبال چیف ایڈیٹر ہماری منزل تعارفی تقریر کریں گے ۔ جناب عابد صدیقی صدر ایم ڈی ایف تقریب کی نظامت کے فرائض انجام دیں گے ۔ بعد ازاں جناب صادق نوید کی صدارت میں مشاعرہ ہوگا ۔ جناب اطیب اعجاز نظامت کے فرائض انجام دیں گے ۔ شعراء کرام جلال عارف ، صوفی سلطان شطاری ، نثار احمد کلیم ، سردار سلیم ، ڈاکٹر نسیم الدین فریس ، شفیع اقبال ، ڈاکٹر روف خیر ، مصحف اقبال توصیفی ، جگجیون لال استھانہ سحر ، ڈاکٹر مسعود جعفری ، مومن خاں شوق ، یوسف روش ، ڈاکٹر راہی ، شاہ نواز ہاشمی ، شکیل حیدر ، قابل حیدرآبادی ، تشکیل احمد رزاقی ، طنز و مزاح کے شعراء وحید پاشاہ قادری ، شاہد عدیلی ، سردار اثر ، واحد نظام آبادی ، محترمہ منور النساء منور ، محترمہ حنا شہیدی ، محترمہ تقیہ غزل ، ڈاکٹر صبیحہ نسرین ، محترمہ ارجمند بانو کلام سنائیں گے ۔۔

TOPPOPULARRECENT