Saturday , August 19 2017
Home / کھیل کی خبریں / ہند۔ پاک کرکٹ بورڈزکے مذاکرات ایک بار پھر ناکام

ہند۔ پاک کرکٹ بورڈزکے مذاکرات ایک بار پھر ناکام

لاہور۔9 جولائی (سیاست ڈاٹ کام) باہمی سیریز کے حوالے سے دبئی اور انگلینڈ میں ہونے والے پاک ہندوستان بورڈز حکام کے مذاکرات ایک بار پھر بے نتیجہ ثابت ہوئے اب پاکستان معاملہ آئی سی سی کی تنازعات کمیٹی میں لے کر جائے گا۔باہمی سیریز کے حوالے سے دبئی اور انگلینڈ میں ہونے والے پاک ہندوستان بورڈز حکام کے مذاکرات بے نتیجہ ثابت ہوئے، بی سی سی آئی کو نوٹس بھجوانے کی رسمی کارروائی پوری کرنے والے پی سی بی نے معاملہ آئی سی سی کی تنازعات کمیٹی میں لے جانے کی تیاری شروع کردی، اس ضمن میں غیرملکی فرم کی خدمات لی جائیں گی، جنرل منیجر سلمان نصیر انگلینڈ کا دورہ کرچکے، معاہدے کی خلاف ورزی کرتے ہوئے کھیلنے سے انکار کرنے پر ہرجانہ ادا کرنے کا مطالبہ کیا جائے گا جب کہ پی سی بی حکام پْرامید ہیں کہ فیصلہ ان کے حق میں ہوگا۔واضح رہے کہ پاکستان اور ہندوستان کے مابین 2007کے بعد کوئی باہمی سیریز نہیں ہوئی، صرف 2012/13میں گرین شرٹس نے ون ڈے اور ٹوئنٹی 20میچز کیلیے پڑوسی ملک کا دورہ کیا تھا، نجم سیٹھی کی سربراہی میں پی سی بی نے ہندوستانی جال میں پھنستے ہوئے2014میں ’’بگ تھری‘‘ کی حمایت کے بدلے آئندہ 8 سال کے دوران 6 باہمی سیریز کھیلنے کا معاہدہ کیا تھا، مگر بی سی سی آئی نے حکومتی اجازت نہ ملنے کو جواز بناتے ہوئے ٹال مٹول کی پالیسی جاری رکھی۔

TOPPOPULARRECENT