Thursday , August 24 2017
Home / کھیل کی خبریں / ۔12-0کی بدترین شکست پر کوچ اور کھلاڑی گرفتار

۔12-0کی بدترین شکست پر کوچ اور کھلاڑی گرفتار

بارسلونا ۔5 اپریل (سیاست ڈاٹ کام ) تھرڈ ڈویژن کی ہسپانوی ٹیم ایلڈین کی بارسلونا کی بی ٹیم کے 12-0  کی بدترین شکست کے بعد پولیس نے میچ فکسنگ کے شبے میں کوچ اور دو کھلاڑیوں کو گرفتار کر لیا ہے۔ایلڈین کے اٹلی سے تعلق رکھنے والے کوچ فلیپو ڈی پیرو کے ہمراہ دو کھلاڑیوں اور کلب  اطالوی سرمایہ دار کو بھی گرفتار کر کے ان سے سوالات کیے گئے۔اس سلسلے میں ایلڈنس کے کھلاڑی شیخ سعد نے اپنی ٹیم کی بدترین شکست پر شبہ کا اظہار کرتے ہوئے ٹیم کے متعدد کھلاڑیوں اور کوچ کی کارکردگی پر سوالات اٹھائے تھے۔ہفتے کو اسپین کے سیکنڈ ڈویژن میں ہونے والی اس شکست کے ساتھ ہی کلب نے بدترین شکست کا ریکارڈ برابر کردیا۔شیخ سعد نے ریڈیو اسٹیشن کڈینا کوپا سے گفتگو کرتے ہوئے کہا کہ چند کھلاڑیوں نے میچ پر لگائے گئی شرطوں سے بڑی رقم کمائی۔اس کے بعد کلب کے صدر ڈیوڈ ایگوئلر نے پولیس اور ہسپانوی فٹبال حکام کو مشتبہ  سرگرمیوں کے بارے میں اطلاع دی۔ڈی پیرو کو رواں سیزن کے اوائل میں اس وقت کوچ کا عہدہ سونپا گیا تھا جب ایک اطالوی سرمایہ دار نے کلب کے معاملات سنبھال لئے تھے اور اب شبہ ظاہر کیا جا رہا ہے کہ کہیں یہ سرمایہ کہیں میچ فکسنگ یا غیرقانونی بیٹنگ سے منسلک تو نہیں۔اسپینش لیگ کے صدر زیویئر ٹیباس نے کہا کہ ہم اس کی ضرور تفتیش کریں گے کیونکہ میچ فکسنگ کی بات کی جائے تو انگلیاں سیدھی ایک اطالوی گروپ کی جانب اٹھتی ہیں۔

TOPPOPULARRECENT